Arzoo justajoo shayari 2016



Ajeeb Hijar Parasti Thi Us Ki Fitrat Main
Shajar K Tuutey Patty Talash Krta Tha....###
Tamam Raat Wo Parde,Hata K Chaand K Saath
Jo Kho Gaye Wo Lamhe,Talaash Kerta....###

**********************

Teri Khawish Us Waqt Bahut Tarpati Hai
Sawan Me Koi Boond Jab Bikhar Jati Hai....###
Meri Ruh Bhi Tarapne Lagti Hai Us Pal
Jab Thandi Hawa Teri Gali Se Guzar Kar Aati Hai....###

**********************

Unse Haal-E-Dil Kahoon Na Kahoon
Hai Bahut Mushkil Kahoon Na Kahoon....###
Jo Mere Waqt-E-Dafan Roya Hai Zar-Zar
Wahi Hai Mera Kaatil Kahon Na Kahon
Poochon Na Poochon Tera Maazi Gard-E-Dasht....###
Tujhse Tera Mustaqbil Kahoon Na Kahoon
Tere Khilaaf Kya Hai Saajish-E-Toofaan....###
Tujhse Ae Yara ! Kahoon Na Kahoon

**********************

Kyu Hame Kisiki Talash Hoti Hai....###
Kyu Dil Ko Kisiki Aas Hoti Hai
Chand Ko Dekho Vo B Tanha Hai....###
Fir B Uski Chandni Se Roshan Raat Hoti Hai

**********************

Kash Mein…Farmahbardar Beti Hoti.......###
Kash Mein…
Farmahbardar Beti Hoti To
Maa Baap Ke Sath Fareb Nahi Karti....###
Kash Mein…
Mein Hoti To
Aaj Tumari Zindagi Mein Nahi Aati....###
Kash Mein Aur Tum…
Sath Hote To
Aaj Hum Itni Pareshan Nahi Hote....###

**********************

Ana Ki Qaid Se Nikle Muqabla To Kare
Woh Mera Saath Nibhane Ka Hosla To Kare
Kabhi Na Tootnay Wala Hisaar Ban Jaon
Woh Meri Zaat Main Rehnay Ka Faisla To Kare

**********************

Rehne De Aasma Zamin Ki Talash Kar....###
Sab Kuch Yahi Hai Na Kahi Aur Talash Kar
Har Arzu Puri Ho To Jine Ka Kya Maza....###
Jine K Liye Bas 1 Kami Ki Talash Kar

**********************

Aisa Lagta Hai Zindagi Tum Ho....###
Ajnabee, Kaise Ajnabee Tum Ho?
Main Zameen Par Ghana Andhera Hoon....###
Aasmaanon Ki Chaandini Tum Ho
Ab Koi Aarzoo Nahin Baakee
Joostjoo Meree Aakhree Tum Ho....###
Doston-Se Wafa Ki Ummeeden!
Kis Zamaane Ke Aadmee Tum Ho?


***********************

Ab Koi Mard-E-Qalandar Bhaij Day....###
Jurraton Ka Ho Jo Paikar Bhaij Day
Kufar K Hathi Rawan Hain Aaj Bhi....###
Phir Ababeelon Ka Lashkar Bhaij Day

**********************

Teri Aarzo Me Humne Baharo Ko Dekha....###
Tere Khayaloa Me Humne Sitaroa Ko Dekha
Hume Pasand Tha Bas Aapka Saath....###
Warna In Aankho Ne To Hazaroa Ko Dekha....###

**********************

Ab Dil Ki Khalvaton Main Tum Aa Kar Karogay Kiya
Hum Aarzo Ki Shamain Kab Ki Buja Chuke Hain

**********************

Zara Tehroo..
Kay Soraj Ko To Janay Do......###
Parando Ko To Ur Janay Do..
Zara Sham Dhalnay Do..
Abhe To Aasman Ka Rang Nikray Ga..
Abhe Khushboo Bhe Bikray Gee......###
Abhe Mosam Bhe Badlay Ga..
Abhe To Chand Niklay Ga..
Abhe Manzar Badalnay Mein Zara See Dair Bakee Hey......###
Abhe Dil Kay Sambhalnay Mein Zara See Dair Bakee Hey..
Chalay Jana......###
Chalay Jana…
Abhe Do Char Pal, Do Char Sadyaa Sat Rehney Doo..
Zara….
Zara Tum Sham Dhalney Do......###
Tahar Jaoo
Tahar Jaoo

**********************

Suna Hai PHOOL KALIYOON Se Tumahin Rab Ne Banaya Hai....###
Haamin Bhi Thori Si KHUSHBO Churane Ki Ijazat Ho
Suna Hai Teri AANKHOON Main Sitaraoon Ka Basera Hai....###
Hamain Is ROSHNI Se Ghar Sajane Ki Ijazat Ho
SHARARAT Se Bahre Yeh DIN Bari MADHOSH Hain RATAIN
HAWAIN Aa K SUNTI Hain Hamare PYAR Ki BATAIN
Suna Hai PYAR Main DIL Per Koi QABU Nahi Hota....###
Yeh Sari CHAHATAIN Tum Per LUTANE Ki Ijazat Ho
TAMANNA Hai Tumahre PYAR Main MASHOOR Ho Jaain
HAMAIN Tum Is Qadar CHAHOO K Hum MAGHROOR Ho Jain
Suna Hai PYAR Main Yeh DORIYAAN Acchi Nahi Hoti....###
KAREEB Aa Ker UMIDOON Ko JAGANE Ki Ijazat Ho....###

**********************

Na Umeedain Kisi Se Rakhtey To Acha Hota....###
Aitbar Na Kisi Pe Kartey To Acha Hota
Sabaq Daita Hai Zamana Yeh Auron Ko Giraney Ka....###
Sahara Na Kisi Ko Samjhtey To Acha Hota
Yaqeen Apni Kamyabi Ka Kisi Ko Kab Hota Hai....###
Taqdeer K Muqabil Na Hotey To Acha Hota
Sochtey They Aitbar Andha Ho Ga Dewana Tum Per
Na Khuwaab Jagtey Main Daikhtey To Acha Hota
Na Chatey Tum Kisi Ko Na Koi Tumheen Poojta....###
Na Achey Kisi Ko Lagtey To Acha Hota
Darya Mohabbat Ka Kab Koi Paar Karta Hai Dost....###
Na Mohabbat Kisi Se Kartey To Acha Hota....###

**********************

Agar Talaash Karuun Koii Mil Hii Jaayegaa....###
Magar Tumhaarii Tarah Kaun Mujhe Chaahegaa
Tumhen Zaruur Koii Chaahaton Se Dekhegaa
Magar Vo Aankhen Hamaarii Kahaan Se Laayegaa
Naa Jaane Kab Tere Dil Par Naii Sii Dastak Ho....###
Makaan Khaalii Huaa Hai To Koii Aayegaa
Main Apanii Raah Men Diivaar Ban Ke Baithaa Huun
Agar Vo Aayaa To Kis Raaste Se Aayegaa
Tumhaare Saath Ye Mausam Farishton Jaisaa Hai
Tumhaare Baad Ye Mausam Bahut Sataayegaa....###

**********************

Mujay Kuch Tumsay Kehna Hai
Magar Tahro....###
Yeh Ik Lamha Jo Azal Say Hay
Kaye Sadioon Ki Bay Chani Simat Aye Hay
Iis Ki Dobthi , Sahmi Si Sansoon Main
Hazaroon Ratjagoon Ka Dard Hay....###
Is Kay Tasalsul Main
Yeh Ik Lamha
Yeh Meri Baykran Chahat Ki Gerdash Ka Hasee Lamha
Yeh Ik Lamha Guzer Jaye....###
Tu Shaed Ishaq Ki Manzil Nazer Aye
Meri Yeh Bay Nishan Chahat
Abad Ki Bay Kran Woset Ko Cho Aye....###
Yeh Ik Lamha
Jo Sang-E- Rah Hay Sadioon Ki Bay Payan Musafat Ka....###
Nishan Hay Un Ginat Rohoon Ki Un Daki Mohabbat Ka
Gubar-E- Wad-E- Seena Say
Wo Sab Karwan-E- Shoq
Jo Latay Hain Giran Maya Karamat, Hay
Yeh Lamha
Yeh Lamha Jo Azal Say Hay....###

**********************

Main Tere Haath Pe Rach Jaunga Rangon Ki Tarah,
Tu Mera Naam Kabhi Haathon Pe Saja Ke To Dekh.
Main Tere Jism Mein Mehkunga Gulabon Ki Tarah,
Aa Kabhi Mujhko Dil Mein Basa Ke To Dekh.
Main Tere Lab Pe Chha Jaunga Muskarahat Ki Tarah,
Apne Honton Se Mera Naam Bula Ke To Dekh.
Main Teri Aankh Mein Bas Jaunga Kajal Ki Tarah,
Tu Meri Yaad Ka Ek Khawab Saja Ke To Dekh.
Main Bikhar Jaunga Chaar Su Khushion Ki Tarah,
Apne Naam Se Mera Naam Mila Ke To Dekh

**********************

Na Wo Farishta Ho Na Farishte Jaisa Ho....###
Mujhe Talash Hai Uski Jo Mere Jaisa Ho
Jo Khwaab Dene Ko Kadir Ho Meri Aankhon Ko
Meri Mohabbat Ko Pehchan Sake Woh Aisa Ho....###
Meri Khatir Marne Ka Hosla Bhee Rakhta Ho
Koi Bhee Ho Kahi Bhee Ho Bas Aisa Ho
Agar Kabhi Ruth Jaun Mein Usse To....###
Muskrake Manaye Woh Aisa Ho
Jo Baat Kare To Woh Nibha Bhee Sake
Iradon Mein Woh Apne Chattanon Jaisa Ho....###
Dukhon Mein Hansne Ka Hunar Janta Ho
Ik Aisa Hamsafar Jo Samandar Ki Tarah Gehra Ho....###
Us Ke Pyaar Ki Thandak Ho Mere Liye Aisi
Ke Woh To Bilkul Aasman Ke Chaand Jaisa Ho....###
Woh Sirf Mera Ho Jo Nigahon Mein Haya Rakhta Ho
Umar Bhar Saath Chale Buss Humsafar Mera Aisa Ho

**********************

Aaj Kuch Maangna Hay Tum Say
Aaj Kuch Lena Hay Tum Say
Aaj Kuch Dena Hay Tum Ko....###
Aaj Kuch Kehna Hay Tum Ko
Na He Koi Khuwahish, Tamanna Na Arzoo
Bas Aik Hi Chah Hai Apni Aur Aik Hi Justaju....###
Ham Maangtay Hain Tum Say,
Teray Derd O Gham Wo Saarey Jo Rula Gaye Hain
Teri Neenden Uda Gaye Hain....###
Ham Hain Shareek E Gham Teray Pehchaan To Sahi....###
Ham Bhi Hain Saath Teray Tu Jaan To Sahi
Ker Bojh Apnay Dil Ka Halka Hamen Bataday....###
Ye Fikar Ye Udasi Kioon Hay Zara Sunaday
Laaye Hain Ham Baharain Teray Hi Waastay....###
Ye Rang Aur Ye Khushboo Teray Hi Waastey
Aaj Kuch Maangtay Hain Tum Say
Aaj Kuch MaangnA Hay Tum Say

**********************

Main Jis Kay Dil Ki Kitab Banta....###
Main Jis Ki Chahat Ka Khawab Banta
Main Hijar Mosam Ki Lambi Raaton Main Yaad....###
Ban Kar Azaab Banta
Koi To Hota?
Jo Meri Khwaish Main Uth Kar Raaton Ko Khoob Rota
Dukhon Ki Chadar Lapait Kar Hajoom Duniya Say Door Hota
Main Rooth Jaata Manata Mujh Ko Kay Chahe Mera Kasoor Hota
Koi To Hota?
Jo Mujh Ko Dil Ka Karar Kehta
Ragoo Ka Apni Fishar Kehta
Udaas Mosam Main Tazgi Ki Biyar Ban Kar
Jo Meri Bahoon Ko Arzoo Ka Diyar Kehta....###
Koi To Hota?
Dua Say Apni Jo Dukh Bhi Meray Samait Leta
Woh Iss Jahan Say Ghamon Ka Meray Hisab Leta
Woh Sari Duniya Ki Rafaqaton Kay Tamam Rishtay....###
Koi To Hota?
Main Jis Kay Itna Kareeb Hota
Na Paas Koi Rakeeb Hota
Main Tanha Uss Ka Habbib Hota....###
Yeh Silsila Bhi Ajeeb Hota
Koi To Hota? Kaash
Koi To Hota?

**********************

Muddaton Baad Vo Soorat Jo Dikhaaee Dee Hai
Dil Kee Dhadkan Mujhe Aankhon Se Sunaaee Dee Hai
Shaam Se Jaag Rahee Hain Vo Nidaasee Aankhen
Doobte Chaand Ne Khidkee Se Badhaaee Dee Hai
Us Janam Mein Bhee Mulaaqaat Kee Ummeed Naheen
Is Janam Ne To Janam Bhar Kee Judaaee Dee Hai
Hamne Pehle Bhee Ye Khwaabon Ka Safar Dekha Hai
Dhoop Itnee Thee Ke Sehra Ne Duhaaee Dee Hai....###

**********************

Kash Hum Bezubaan Hote
Naa Fir Gham Yun Bayaan Hote
Kash Naa Hoti Zindagi Ki Samajh
Naa Fir Yun Afsaane Jawaan Hote....###
Kash Naa Khwahish Hoti Kuch Paane Ki
Naa Fir Kuch Khone K Gham Yahan Hote....###
Gar Tod Jaata Koi Ashiyaan Humara
Fir Bhi Khoobsurat Saare Samaan Hote
Lut Jaati Gar Roshni-E-Zindagi
Fir Bhi Andhere Naa Yahan Hote
Toot-Te Hue Bhi Be-Shubhaah Hote
Kash Hum Bezubaan Hote !!

**********************

Mein Yun Miloon Tujhse Ke Tera Libaas Ban Jaon
Tujhe Bana Ke Samandar Aur Khud Pyaas Ban Jaon
Aaj Pehloon Mein Mujhe Toot Ke Bikhar Jane Do
Kal Ko Shayad Munkin Nahi Ke Mein Tumko Paon....###
Tu Ban Jaye Lehar Aur Mein Sahil Ban Jaon
Ho Ishq Mera Sahil To Mein Roz Tujhse Takraon
Mein Yun Miloon Tujhse Ke Tera Libaas Ban Jaon
Tujhe Bana Ke Samandar Aur Khud Pyaas Ban Jaon....###

**********************


Girte rahe hum sajdo.....###
Girte rahe hum sajdo me hasrat e ishQ ki khaatir

agar ibadat e khuda me gire hote to zindgi jannat ban jati

**********************

Ek Tumhi The Jiske Dum Pe Chalti Thi Saanse Meri....###

Laut Aao Ke Zindagi Se Ab Wafa Nibhayi Nahi Jati....###

**********************

Sochta hoon ke bhujaa doon main yeh kamre ka diya

Apne saaye ko bhi kyon saath jagaaon apne....###

**********************

Fursat Kise Hai Zakhmoko Sarahneki....###
Nigahein Badal Jaati Hai Apne Begane Ki
Tum Bhi Chhodkar Chale Gaye Hume
Ab Tamanna Na Rahi Naye Dost Bananeki....###

**********************

Inkaar Ki Talab Hai Na Ikraar Ki Talab Hai....###
Bus Ek Baar Tere Deedar Ki Talab Hai....###

**********************

Dosti Ke Bhi Kuch Andaaz Hote Hain....###
Jagti Aankhon Mein Bhi Khawaab Hote Hain
Zaroori Nahi Ki Gam Mein Aansu Niklein
Muskurati Aankhon Mein Bhi Sailaab Hote Hain....###

**********************

Is Zindagi Ko Jeene Ki Aarzoo,
Bin Tere Hai Adhuri,
Tera Sath Jo Mil Jaye,
Meri Zindagi Ho Jaye Puri....###

**********************

Aadmi Ke Khwaishon Ki Koi Intehaa Nahi
Do Gaz Zameen Bhi Chahiye, Do Gaz Kafan Ke Baad

**********************

Sirf Dekhke Kisi Ko Dil Ki Baat Nahi Hoti
Mulakat Ho Phir Bhi Kabhi Barsaat Nahi Hoti....###
Janti Hoon Main Kabhi Tumhari Na Ban Paungi
Phir Bhi Is Dil Mein Kabhi Raat Nahi Hoti....###

**********************

Kash Koi Aisa Ahal-E-Dil Hota Jo Meri Arzu Karta....###
Khoo Jati Agar Main Kahin, To Meri Justuju Karta
Mein Us Kay Zehan-o-Dil Main Kuch Is Tarah Sama Jati
K Lab Jab Bhi Kholta Meri Guftugu Karta....###

**********************

Har Yado Mai Usi Ki Yad Rehti Hai
Meri Ankho Ko Usi Ki Talash Rehti Hai
Kuch Tum Be Dua Karo Yaro
Dosto Ki Dua Mai Farishto Ki Faryad Hoti Hai

**********************

Aisa Karna Key Chand Sey Kuch Mitti Lana
Us Main Sey Do Putley Banana....###
Ek Tumharey Jaisa
Ek Merey Jaisa
Un Potloon Ko Phir Tum Toor Deyna....###
Un Sey Phir Tum Do Putley Banana
Ek Tumharey Jaisa
Ek Merey Jaisa....###
Ta K
Kuch Kuch Tum Main Hum Reh Jayen....###
Kuch Kuch Hum Main Tum Reh Jana

**********************

Mera Gi Tu Chahay
Ye Chanda Sitaray
Aanchal Pay Tumharay
Mien Taanq Doun....###
Mera Gi Tu Chahay
Ye Saray Nazaray
Tumhien Apnay Rub Say
Mien Maang Doun....###
Ye Chanda Sitaray
Ye Saray Nazary
Tumhien Sounp Ker
Ager Tu Ju Chahay
Tumhien Apnay Rub Say
Mien Maang Loun....###

**********************

Tumako Dekhaa To Ye Kayaal Aayaa
Zindagii Dhuup Tum Ghanaa Saayaa....###
Aaj Phir Dil Mai Ek Tamannaa Kii
Aaj Phir Dil Ko Hamane Samajhaayaa....###
Tum Chale Jaaoge To Sochenge
Hamane Kyaa Khoyaa, Hamane Kyaa Paayaa....###
Ham Jise Gunagunaa Nahiin Sakate
Vaqt Ne Aisaa Giit Kyuun Gaayaa

**********************

Kiss Tarah Jeetay Hain Hey Loog Bata Doo Yaroo
Hum Koo Bhee Jeeney Kaa Andaz Sikha Do Yaroo....###
Dard Kaa Naam Sey Waqif Na Jahaan Hoo Koee
Asi Mehfil Mein Humay Bhee To Patta Doo Yaroo....###

*********************

Duniya Me Jeene Ki Chahat Na Hoti....###
Agar Khuda Ne Mohabbat Banayi Na Hoti
Log Marne Ki Aarzoo Na Karte Agar....###
Mohabbat Me Bewfai Na Hoti....###

**********************

Chatoon Se Dhoop To Rukti Hai Bhook Mit-Ti Nahin
Talash-E-Rizq Main Ghar Se Nikalna Parta Hai

**********************

Tu Nahi To Zindagi May Or Kya Rah Jay Ga
Dour Tak Tanhaeyoon Ka Silsala Rah Jay Ga
Ankhain Taaza Manzaroon May Koh To Jay Ge Magar
Dil Pooranay Moosumoon Ko Dhonta Rah Jaye Ga

**********************

Woh Kuch Sunta To Mein Kehta....###
Mujhay Kuch Aor Kehna Tha
Woh Do Pal Ko Jo Ruk Jata....###
Mujhay Kuch Aor Kehna Tha
Ghalat Fehmi Nay Baton Ko
Barha Dala Younhi Warna....###
Kaha Kuch Tha Woh Kuch Samjha
Mujhay Kuch Aor Kehna Tha....###

**********************

Nahi Nigah Main Manzil Tou Jostajo He Sahi
Nahi Wisaal Muyassar Tou Arzoo He Sahi
Diyaar-E-Ghair Main Mehram Agar Nahi Koi
Tou Faiz Zikr-E-Watan Apney Robaro He Sahi

**********************

Log Karte Hain Baten Apne Logon Se....###
Main Kis Se Baat Karoon Kahan Se Use Dhoond K Laoon

**********************

Meri Zindagi Kay Raaz Main Aik Raaz Tum Bhi Ho....###
Meri Bandagi Ki Pyas Main Aol Pyas Tum Bhi Ho
Tum Kia Ho Kuch To Ho Yaa Kuch Nahi Magar....###
Meri Zindagi Ki Kash Main Aik Kash Tum Bhi Ho

**********************



Arzoo justajoo shayari 2016

No comments:

Post a Comment