Ghazalshayari



  • Yehi Nahi Ki Toofan Meri,

  • Yehi Nahi Ki Toofan Meri Talaash Mein Hai,

  • Ki MausameGhameJaanan Meri Talaash Mein Hai,

  • Visaal Rut Hai Magar Dil Ko Aisa Lagta Hai,

  • SitaaraheShabeHijraan Meri Talaash Mein Hai,

  • Main Faislay Kee Ghari Se Guzar Chali Hun,

  • Kisi Kee DeedaeHairaan Meri Talaash Mein Hai,

  • Ye Be Yaqeen Si Aasoodgi Batati Hai,

  • Ki Ik QiryaeVeeran Meri Talaash Mein Hai,

  • Main Teergi Mein Mohabbat Kee Ik Kahani Hun,

  • Koi Chiraagh Sa Unwaan Meri Talaash Mein Hai,

  • Ye Kaisa Khwaab Tha Dharka Sa Lag Gaya Dil Ko,

  • Ki Ik Shaks Pareshaan Meri Talaash Mein Hai

  • ******************************************************

  • Khulta Nahin Hai Haal,

  • Khulta Nahin Hai Haal Kisi Par Kahe Bagair,

  • Par Dil Kee Jaan Lete Hain Dilbar Kahe Bagair,

  • Main Kaise Kahun Tum Aao Ki Dil Kee Kashish Se Wo,

  • Ayenge Daude Aap Mere Ghar Kahe Bagair,

  • Kya Taab Kya Majal Hamari Ki Bosa Lein,

  • Lab Ko Tumhare Lab Se Milakar Kahe Bagair,

  • Bedard Tu Sune Na Sune Lek DardeDil,

  • Rehta Nahin Hai AashiqEMuztar Kahe Bagair,

  • Taqdir Ke Siwa Nahin Milta Kahin Se Bhi,

  • Dilawata Ae Zafar Hai Muqaddar Kahe Bagair,

  • ************************************************

  • Na Jane Kin Adaaon Se,

  • Na Jane Kin Adaaon Se Lubhaa Liya Geya Mujhe,

  • Qateel Mere Samney Churaa Liya Geya Mujhe,

  • Kabhi Jo Un Ke Jashn Mein Seyaahiyan Bikhar Gayin,

  • To Roshni Ke Vaastey Jalaa Liya Geya Mujhe,

  • BaraheRaast Raabta Na Mujhse Tha Qabool Unhe,

  • Likhaa Ke Khat Raqeeb Se Bulaa Liya Geya Mujhe,

  • Jab Un Ke Deed Ke Liye Qataar Mein Kharra Tha Main,

  • Qataar Se Na Jaane Kyun Hattaa Liye Geya Mujhe,

  • Main Rondney Ki Cheez Tha Kisi Ke Paon Se Magar,

  • Kabhi Kabhi To Zulf Mein Sajaa Liya Geya Mujhe,

  • Sawaal Tha Ki Wafaa Hai Kya Jawab Tha Ki Zindagi,

  • Qateel Pyar Se Galey Laga Liya Geya Mujhe,

  • ******************************************************
  • Taskeen Na Ho Jis Se,

  • Taskeen Na Ho Jis Se Wo Raaz Badal Dalo,

  • Jo Raaz Na Rakh Paye Hamraaz Badal Dalo,

  • Tum Ne Bhi Suni HoGi Bari Aam Kahawat Hai,

  • Anjam Ka Jo Ho Khatra Aghaz Badal Dalo,

  • PurSoz Dilon Ko Jo Muskan Na De Paye,

  • Sur Hi Na Mile Jis Mein Wo Saaz Badal Dalo,

  • Dushman Ke Iradon Ko Hai Zahir Agar Karna,

  • Tum Khel Wohi Khelo Andaz Badal Dalo,

  • Ay Dost Karo Himmat Kuch Door Savera Hai,

  • Agar Chahte Ho Manzil To Parwaaz Badal Dalo,

  • *************************************************

  • Kab Tak Dil Ki Khair Manaae,

  • Kab Tak Dil Ki Khair Manaae Kab Tak Raah Dikhaaoge,

  • Kab Tak Chain Ki Mohalat Doge Kab Tak Yaad Na Aaoge,

  • Bitaa Did Umeed Kaa Mausam Khaak Udati Hai Aankhon Mein,

  • Kab Bhejoge Dard Kaa Baadal Kab Barkhaa Barasaaoge,

  • AhadeVafaa Aur TarkeMohabbat Jo Chaaho So Aap Karo,

  • Apane Bas Ki Baat Hi Kyaa Hai Hamase Kyaa Manavaaoge,

  • Kisne Vasl Kaa Sooraj Dekhaa Kis Par Hijr Ki Raat Dhali

  • Gesuon Vaale Kaun The Kya The Unko Kya Jatalaaoge,

  • Faiz Dilon Ke Bhaag Mein Hai Ghar Basanaa Bhi Lut Jaanaa Bhi,

  • Tum Us Husn Ke LutfoKaram Par Kitane Din Itaraaoge,

  • **************************************************

  • Yeh Aur Baat Teri Gali,

  • Yeh Aur Baat Teri Gali Mein Na Ayen Hum,

  • Lekin Yeh Kya Ki Tera Sheher Chod Jayen Hum,

  • Muddat Huyi Hai Kuye Bataan Ki Taraf Gaye,

  • Awaargi Se Dil Ko Kahan Tak Bachaayen Hum,

  • Be noor Ho Chuki Hai Bahut Sheher Ki Fizaa,

  • Tareek Raston Par Kahin Kho Na Jayen Hum,

  • Us Ke Baghair Aaj Bahut Jee Udaas Hai,

  • Jaalib Chalo Kahin Se Usey Dhoond Ke Layen Hum,

  • *************************************************
  • Jo Bhi Deewar Hai Raste,

  • Jo Bhi Deewar Hai Raste Mein Giraa Ke Ro Lein,

  • Aao Ik Doojay Ko Seene Se Laga Ke Ro Lein,

  • Saamne Tu Hai To Hum Dil Mein Bhi Ro Sakte Hain,

  • Yu n Karein Hum Tujhe Baaton Mein Laga Kar Ro Lein,

  • Tere Aaney Se Yeh Naraaz Raha Karte Hain,

  • Jee Mein Hai Aaj Har Ik Gham Ko Manaa Kar Ro Lein,

  • ****************************************************

  • Mere Qaatil Ko Pukaro Kay.

  • Mere Qaatil Ko Pukaro Kay Main Zinda Hoon Abhi..

  • Phir Say Maqtal Ko Sanwaro Kay Main Zinda Hoon Abhi.

  • Yeh ShabEHijar To Sathi Hai Meri Barson Say.

  • Jao So Jao Sitaro Kay Main Zinda Hoon Abhi.

  • Yeh Pareshaan Say Gaisu Daikhay Nahi Jatay.

  • Apni Zulfun Ko Sanwaro Kay Main Zinda Hoon Abhi.

  • Laakh Moujon Main Ghira Hun Abi Dooba To Nahi.

  • Mujh Ko Sahil Say Pukaro Kay Main Zinda Hoon Abhi.

  • Qabr Say Aaj Bhi `Mohsin` Ki Aati Hai Sadaa

  • Tum Kahan Ho Mere Yaroo Kay Main Zinda Hoon Abhi

  • *********************************************************

  • Dil Jal Raha Tha Gham.

  • Dil Jal Raha Tha Gham Se Magar Nagmagar Raha.

  • Jab Tak Raha Main Saath Mere Yeh Hunar Raha.

  • SubahESafar Ki Raat Thi Taare The Aur Hawa.

  • Saaye Sa Ek Der Talak Baam Par Raha,

  • Meri Sada Hawa Mein Bohat Door Tak Gayi,

  • Par Main Bula Raha Tha Jise Bekhabar Raha,

  • Guzari Hai Kya Maze Se Khayaalon Mein Zindagi,

  • Doori Ka Yeh Tilism Bada Kaargar Raha,

  • Khauf Aasmaan Ke Saath Tha Sar Par Jhuka Hua,

  • Koi Hai Bhi Ya Nahin Hai Yahi Dil Mein Dar Raha,

  • Is Aakhiri Nazar Mein Ajab Dard Tha Munir

  • Jaanay Ka Uske Ranj Mujhe Umr Bhar Raha

  • *****************************************************

  • Meri Aankhon Ko,

  • Meri Aankhon Ko Soojhta Hee Nahi,

  • Ya Muqaddar Mein Raasta Hee Nahi,

  • Wo Bharay Sheher Mein Kisi Se Bhi,

  • Mere Baare Mein Poochta Hee Nahi,

  • Phir Wohi Shaam Hai Wohi Ham Hain,

  • Haan Magar Dil Mein Haunsla Hee Nahi,

  • Ham Chale Us Ki Bazm Se Uth Kar,

  • Aur Wo Hai Ki Rokta Hee Nahi,

  • Dil Jo Ek Dost Tha Magar Wo Bhi,

  • Chup Ke Pathar Hai Bolta Hee Nahi,

  • Main To Us Ki Talaash Mein Guum Hun,

  • Wo Kabhi Mujh Ko Dhoondta Hee Nahi,

  • **************************************************

  • Ranj Ki Jab Guftaguu,

  • Ranj Ki Jab Guftaguu Honay Lagi,

  • Aap Se Tum Tum Se Tu Honay Lagi,

  • Chahye Paighambar Dono Taraf,

  • Lutf Kia Jab DuBaDu Honay Lagi,

  • Meri Ruswayi Ki Naubat Aagayi,

  • Unki Shohrat QuBaQu Honay Lagi,

  • Be Niazi Badh Gayi Hai Is Qadar,

  • Aarzoo Ki Aarzoo Honay Lagi,

  • Ab To Mil Kar Dekhiye Kya Rang Ho,

  • Phir Hamari Justajuu Honay Lagi,

  • Daagh Itraaye Hue Phirtay Hain Aaj,

  • Shaayad Unki Aabruu Honay Lagi,

  • ***************************************

  • Dil Ajab Gumbad

  • Dil Ajab Gumbad Ke Jis Mein Ik Kabutar Bhi Nahin

  • Itna Viran To Murdaron Ka Muqaddar Bhi Nahin

  • Dabati Jati Hain Mitti Mein Badan Ki Kashtiyan

  • Dikhne Mein Yeh Zamin Koi Samandar Bhi Nahin

  • Jitne Hangamein Thay Sukhi Tahaniyon Se Jhadd Gaye

  • Par Phal Bhi Nahin Angan Mein Patthar Bhi Nahin

  • Khushk Taahani Par Parinda Hai Ki Patta Hai Adeem

  • Ashiyana Bhi Nahin Jis Ka Koi Par Bhi Nahin

  • Jitni Pyari Hain Meri Dharati Jo Zanjirein Adeem

  • Itna Pyara Toh Kisi Dulhan Ko Zevar Bhi Nahin

  • **************************************************
  • Lamha Bhar Apna

  • Lamha Bhar Apna Hawaon Ko Banane Waale

  • Ab Na Aayein Ge Palat Kar Kabhi Jaane Waale

  • Kya Mile Ga Tujhe Bikhre Hue Khwaabon Ke Siwa

  • Ay Rait Pe Chaand Ki Tasveer Banaane Waale

  • Sab Ne Pehna Tha Bade Shaunq Se Kaghaz Ka Libaas

  • Jis Qadar Log Thay Baarish Mein Nahaane Waale

  • Mar Gaye Hum Toh Ye Qutbe Pe Likha Jaye Ga

  • So Gaye Aap Zamaane Ko Jagaane Waale

  • DaroDeewaar Pe Hasrat Si Barasti Hai Qateel

  • Jaane Kis Desh Gaye Pyaar Nibhaane Waale

  • *****************************************

  • Udaasion Ka Samaa

  • Udaasion Ka Samaa Mehfilon Mein Chhod Gayi

  • Bahaar Ik Khaash Si Dilon Mein Chhod Gayi

  • Bichar Ke Tujh Se Hazaaron Taraf Gaya Khayaal

  • Teri Nazar Mujhe Kin Manzilon Mein Chhod Gayi

  • Kahan Se Laa ye Ab Os Nigaah Ko Nasir

  • Jo NaTamaam Umangain Dilon Mein Chhod Gayi

  • **********************************************

  • Bahut Sahi GameGeti

  • Bahut Sahi GameGeti Sharab Kam Kya Hai

  • GulameSaqieKausar Hun Mujhko Gam Kya Hai

  • Tumhari TarzoRawish Jante Hain Ham Kya Hai

  • Raqib Par Hai Agar Lutf To Sitam Kya Hai

  • Sukhan Mein KhamaeGalib Ki Atashfashani

  • Yaqin Hai Hamko Bhi Lekin Ab Us Mein Dam Kya Hai

  • *******************************************

  • Jab Bhi Dil Khul Ke

  • Jab Bhi Dil Khul Ke Roye Honge

  • Log Aaraam Se Soye Honge

  • Baaz Auqaat Ba MajboorieDil

  • Hum Toh Kya Aap Bhi Roye Honge

  • Subha Tak DasteSabaa Ne Kya Kya

  • Phool Kaanton Mein Piroye Honge

  • Woh Safeenay Jinhein Toofan Na Mile

  • NaKhudaon Ne Duboyein Honge

  • Kya Ajab Hai Woh Mile Bhi Hon Faraz

  • Hum Kisi Dhyaan Mein Khoye Honge

  • ********************************
  • Is Se Pehle Ke

  • Is Se Pehle Ke Bewafa Ho Jayein

  • Kyun Na Ay Dost Hum Judaa Ho Jayein

  • Tu Bhi Heere Se Ban Gaya Patthar

  • Hum Bhi Kal Jaane Kya Se Kya Ho Jayein

  • Hum Bhi Majbooriyon Ka Uzar Karein

  • Phir Kahein Aur Mubtila Ho Jayein

  • Ab Ke Gar Tu Mile To Hum Tujhse

  • Aise Liptein Teri Qabaa Ho Jayein

  • Bandagi Hum Ne Chhod Di Hai Faraz

  • Kya Karein Jab Log Khudaa Ho Jayein

  • *************************************
  • Dheeray Se Sarakti Hai

  • Dheeray Se Sarakti Hai Raat Us Ke Aanchal Ki Tarah

  • Uska Chehra Nazar Aata Hai Jheel Mein Kanwal Ki Tarah

  • Baad Muddat Usko Dekha Toh JismoJaan Ko Yun Laga

  • Pyasi Zameen Pe Jaise Koi Baras Gaya Baadal Ki Tarah

  • Roz Kehta Hai Seene Pe Sar Rakh K Raat Bhar Jagaon Ga

  • SareSham Hee Mujhe Aaj Phir Sula Gaya Wo Kal Ki Tarah

  • Mere Hee Dil Ka Makeen Nikla Woh Shakhs Wasi

  • Aur Main Shehar Bhar Mein Dhoondta Raha Use Kisi Pagal Ki Tarah

  • ***********************************************
  • Tere Khyaal Mein

  • Tere Khyaal Mein Kuch Aise Gum Rahaa Barson

  • Main Apne Aap Se Bhi Mil Nahin Saka Barson

  • Kahin Woh Zaaiqa Tehleel Hi Na Ho Jae

  • Main Tum Se Mil Kar Kisi Se Nahi Mila Barson

  • Kaha Thaa Tum Ne Ke Tum Laut Ke Aaoge Eik Din

  • So Main Jahaan Thaa Wahin Par Kharha Raha Barson

  • Tere Baghair Meri Umar Raayegaan Guzri

  • Koi Bhi Kaam Nahin Theek Se Hua Barson

  • Tumhare Haath Ki Dastak Ki Aaas Mein Mohsin

  • Main Apne Ghar Se Kahin Bhi Nahin Gyaa Barson

  • *********************************************

  • SaayaeQasreYaar

  • SaayaeQasreYaar Mein Baitha

  • Main Tha Apne Khumaar Mein Baitha

  • Uska Aanaa Tha Khwaab Mein Aanaa

  • Main AbseIntezaar Mein Baitha

  • Koi Soorat Nahi Hai Us Jaisi

  • Usko Dekhon Hazaar Mein Baitha

  • Usko Khushyon Se Khauf Aata Hai

  • Weham Kiya ZeheneYaar Mein Baitha

  • Hum Bhi Raston Mein Phir Rahe Thay Faraz

  • Woh Bhi Tha Rahguzar Mein Baitha

  • *********************************************

  • DamaneGull Mein

  • DamaneGull Mein Hi Gulzaar BiKhar Jaate Hain

  • Aag Bujhti Hai To Angaar Bikhar Jaate Hain

  • Shama Jalti Hai Sada Ek Hi Lamhe Me Lekin

  • Jal Ke Parwaane Kayi Baar Bikhar Jaate Hain

  • Jin Ko Insaan Pirota Hai Bahut Ulfat Se

  • Haaye Woh Gull SareBazaar Bikhar Jaate Hain

  • Paaon Uthate Hain Tere Koche Ki Jaanib Jab Bhi

  • Apni Raahon Me Kayi Khaar Bikhar Jaate Hain

  • Raat Ke Pichle Pehar KehooneTamanna Ki Tarha

  • Hum Teri Yaad Mein Ay Yaar Bikhar Jaate Hain

  • Ho Ga AndaazeWafa Un Ka Alag Hi Mohsin

  • Jin Ki Raahon Mein Talabgaar Bikhar Jaate Hain

  • ******************************************************

  • Labon Ki Sarsarahat

  • Labon Ki Sarsarahat Ke Baad Choor Hone Tak

  • Main Tujhko Is Tarah Chahun Ke Meri Saans Ruk Jaye

  • Khataon Par Khataein Hon Na Ho Kuch Baat Kehne Ko

  • Main Tujh Mein Yun Sama Jaon Ke Meri Saans Ruk Jaye

  • Na Himmat Tujh Mein Ho Baqi Na Himmat Mujh Mein Ho Baqi

  • Magar Itna Qareeb Aaon Ke Meri Saans Ruk Jaye

  • Tere Honthon Ko Jab Rakhon Main Apne Honth Kuch Aise

  • Yaa Teri Pyaas Bujh Jaye Yaa Meri Saans Ruk Jaye

  • *******************************************

  • Hasdeyan Nainan Noon

  • Hasdeyan Nainan Noon Rona De Gaya 894

  • Vekho Ki Dil Da Parohna De Gaya 894

  • Akhaan Vich Jagraate Honthan Te Hawan 894

  • Eh Tohfa Pyar Da Sanoon Sohna De Gaya 894

  • Maut Vi Nahin Aavndi Jeona Vi Hoya Aokha 894

  • Eh Kaisa Rog Assanon Joon Joga De Gaya 894

  • Laare Lappe Laake Assanon Raah Vich 894

  • Chhad Ke Hath Assade Udeekaan De Gya

  • ******************************************

  • Teri Zulfon Ke Bikharnay

  • Teri Zulfon Ke Bikharnay Ka Sabab Hai Koi

  • Aankh Kehti Hai Tere Dil Mein Talab Hai Koi

  • Aanch Aati Hai Tere Jism Ki Uryaani Se

  • Pairhan Hai Ke Sulagti Howi Shab Hai Koi

  • Hosh Uraanay Lageen Phir Chaand Ki Thandi Kirnain

  • Teri Basti Mein Hun Ya KhwaabeTarb Hai Koi

  • Geet Banti Hai Tere Sheher Ki Bharpoor Hawa

  • Ajnabi Mein Hee Nahi Tu Bhee Ajab Hai Koi

  • Lye Jaati Hain Kisi Dehaan Ki Lehrain Nasir

  • Door Tak Silsila TaakeTarb Hai Koi

  • ************************************************

  • Ah Ko Chahiye

  • Ah Ko Chahiye Ik Umr Asar Hone Tak

  • Kaun Jita Hai Teri Zulf K Sar Hone Tak

  • Dam Har Mauj Mein Hai HalqaeSadkameNahang

  • Dekhen Kya Guzare Hai Qatre Pe Gauhar Hone Tak

  • Ashiqi SabrTalab Aur Tamanna Betab

  • Dil Ka Kya Rang Karun KhuneJigar Hone Tak

  • Ham Ne Mana K Taaful Na Karoge Lekin

  • Khak Ho Jayenge Ham Tum Ko Khabar Hone Tak

  • ************************************************

  • Apne Aap Se Phirtey

  • Apne Aap Se Phirtey Hain Beganey Kyon

  • Sheher Mein Aakar Log Huye Deewaney Kyon

  • Hum Ne Kab Maani Thi Baat Zamaney Ki

  • Aaj Hamari Baat Zamana Maaney Kyon

  • Woh Jungle Ke Phoolon Per Kyon Marta Hai

  • Us Ko Achey Lagte Hain Veeraney Kyon

  • Sachi Baat Se Ghabraney Ki Aadat Kya

  • Jhootey Logon Se Apne Yaraaney Kyon

  • Halwat Mein Jo Aankh Milatey Darta Ho

  • Mailey Mein Woh Shakhss Humain Pehchaney Kyon

  • Mohsin Jab Bhi Chott Neyi Kha Leta Hoon

  • Dil Ko Yaad Atey Hain Yaar Puraney Kyon

  • **************************************

  • Tanhayi Mein Ajeeb

  • Tanhayi Mein Ajeeb Zamanay Ki Wafaa Dekhta Raha

  • Umar Bhar Apna Ghar Tanha Dekhta Raha

  • Kaheen Na Kaheen Tou Badal Hee Jaatay Hain Silsilay

  • Magar Main Jahan Gaya Sehra Dekhta Raha

  • Jaanay Kiun Katraatay Hain Loog Mujhe Milne Se

  • Kal Shab Dair Talak Aaina Dekhta Raha

  • Paani Maangtay Maangtay Mere Honth Pathar Ho Gaye

  • Wo Shakhs Mashkeezah Lye Khada Dekhta Raha

  • BeGunaah Tha Phir Bhi Sir Jhukaaye Howay

  • Sitamgar Ki Sitam Ki Intehaa Dekhta Raha

  • Umar Bhar Mohabbat Ka Kuch Yun Sila Raha

  • Main Ose Aur Wo Duniya Dekhta Raha

  • Kahunga Khuda Se YomeHisaab Ko Mohsin

  • Ke Zamaana Meri Barbaadi Ka Tamaasha Dekhta Raha

  • *********************************************

  • Udaas Shamein

  • Udaas Shamein Ujaad Rastey Kabhi Bulayen To Laut Ana

  • Kisi Ki Ankhon Mein Ratjagon Ke Azaab Ayen To Laut Ana

  • Abhi Nayi Wadiyon Naye Manzron Main Reh Lo Magar Meri Jaan

  • Yeh Saarey Aik Aik Karke Jab Tum Ko Chod Jayen To Laut Ana

  • Naye Zamanon Ko Qurb Orrhey Zayeef Lamhey Niddhaal Yadein

  • Tumharey Khawbon Ke Band Kamron Mein Laut Ayen To Laut Ana

  • Agar Andheron Mein Chod Kar Tum Ko Bhool Jayen Tumhare Sathi

  • Aur Apni Khatir Hi Apne Apne Diye Jalayen To Laut Ana

  • Meri Woh Batein To Jin Pe Be ikhtyaar Hanstaa Tha Khil khilaa Kar

  • Bicharney Wali Meri Woh Batein Kabhi Rulaayein To Laut Ana

  • *****************************************************

  • Aina Kyun Na Dun

  • Aina Kyun Na Dun K Tamasha Kahen Jise

  • Aisa Kahan Se Laun K Tujhsa Kahen Jise

  • Hasrat Ne La Rakha Teri BazmeKhayal Mein

  • GuldastaeNigah Suweda Kahen Jise

  • Phunka Hai Kisne Goshe Muhabbat Mein Ai Khuda

  • AfsuneIntezar Tamanna Kahen Jise

  • Sar Par HujumeDardeGaribi Se Daliye

  • Wo Ek MushteKhak K Sahra Kahen Jise

  • Hai ChashmeTar Mein HasrateDidar Se Nihan

  • ShauqeInan Gusekhta Dariya Kahen Jise

  • Darkar Hai ShiguftaneGul Haye Aish Ko

  • SubheBahar PanbaeMina Kahen Jise

  • Ghalib? Bura Na Man Jo Waiz Bura Kahe

  • Aisa Bhi Koi Hai K Sab Acha Kahen Jise

  • *******************************************

  • Khauf Ki Shab

  • Khauf Ki Shab Mein Honth Seenay Se

  • Marna Behtar Hai Aisay Jeenay Se

  • Kuch Tou Qaayim Rahay Anaa Ka Bharam

  • Dekhna Hai Ose Qareenay Se

  • Yun Tamasha Tou Osko Hona Tha

  • Jo Ghiri Aarzoo Ke Zeenay Se

  • Kuch Hawaaon Ka Aitbaar Nahi

  • Warna Kia Khauf Os Safeenay Se

  • Dil Ka Ab Talkhion Se Naata Hai

  • Lutf Laita Hai Zeher Peenay Se

  • *******************************************

  • Duniya Ke Sitam Yaad

  • Duniya Ke Sitam Yaad Na Apni Wafaa Yaad

  • Ab Mujh Ko Nahi Kuch Bhi Mohabbat Ke Siwa Yaad

  • Main Shikwah Ba Lab Tha Mujhe Ye Na Bhi Raha Yaad

  • Shayad Ke Mere Bhoolnay Waalay Ne Kiya Yaad

  • Kia Jaaniye Kia Ho Gaya ArbaabeJunoon Ko

  • Jeenay Ki Adaa Yaad Na Marnay Ki Adaa Yaad

  • Kia Lutf Ke Mein Apna Pataa Aap Bataaon

  • Kijiye Koi Bhooli Howi Khaas Apni Adaa Yaad

  • Muddat Howi Ek HaadsaeIshq Ko Lekin

  • Ab Tak Hai Tere Dil Ke Dharaknay Ki Sadaa Yaad

  • *********************************************

  • Dekh Lete Ho Mohabbat Se

  • Dekh Lete Ho Mohabbat Se Yahi Kaafi Hai

  • Dil Dhadakta Hai Sahulat Se Yahi Kaafi Hai

  • Haal Duniya Ke Sataye Huye Kuch Logon Ka

  • Puch Lete Ho Shararat Se Yahi Kaafi Hai

  • Jo Bhi Raste Mein Guzarta Hai Mere Pehlu Se

  • Dekhta Hai Teri Nisbat Se Yahi Kaafi Hai

  • Muddat ton Se Nahin Dekha Tera Jalwa Lekin

  • Yaad Aa Jate Ho Shidat Se Yahi Kaafi Hai

  • Saari Dunya Se Ulajhte Hain Lekin Tera Kahaa

  • Maan Jate Hain Sharafat Se Yahi Kaafi Hai

  • Kya Hua Hum Jo Muyassar Jo ZaroMaal Nahin

  • Katt Rahi Hai Bari Izzat Se Yahi Kaafi Hai

  • Aaj Ke Ehd Taghaful Mein Kisi Dar Pe Munir

  • Koi Aa Jaye Zarurat Se Yahi Kaafi Hai

  • ****************************************************

  • BeKaraan Tanhaayion

  • BeKaraan Tanhaayion Ka Silsila Reh Jaaye Ga

  • Tere Mere Darmiyaan Bas Ik Khalaa Reh Jaaye Ga

  • Aks Beh Jaayein Ge Saaray Dhoop Ke Sailaab Mein

  • Aur Koi Paanion Mein Jhaankta Reh Jaaye Ga

  • Mujh Ko Mere Hamsafar Aisa Safar Darpaish Hai

  • Raasta Kat Bhee Gaya Tou Faasla Reh Jaaye Ga

  • Log So Jaayein Ge Khamoshi Ki Chaadar Orh Kar

  • Chaand Soonay Aanganon Mein Jaagta Reh Jaaye Ga

  • Jo Kabhi Os Ne Parheen Theen Mujh Se Nasir Maang Kar

  • Naam Mera Un Kitaabon Mein Likha Reh Jaaye Ga

  • ****************************************************

  • Tere Ishq Ki

  • Tere Ishq Ki Intaha Chahta Hun

  • Meri Sadgi Dekh Kya Chahta Hun

  • Sitam Ho K Ho WadaeBehijabi

  • Koi Bat SabrAzma Chahta Hun

  • Ye Jannat Mubarak Rahe Zahidon Ko

  • K Main Ap Ka Samna Chahta Hun

  • Koi Dam Ka Mehman Hun Ai AhleMahfil

  • ChirageSahar Hun Bujha Chahta Hun

  • Bhari Bazm Mein Raz Ki Bat Kah Di

  • Bara BeAdab Hun Saza Chahta Hun

  • ******************************************
  • Mohabbat Ki Aseeri Se

  • Mohabbat Ki Aseeri Se Rihaayi Maangtay Rehna

  • Bahut Aasaan Nahi Hota Judaai Maangtay Rehna

  • Zara Sa Ishq Kar laina Zara Si Aankh Bhar Laina

  • Iwaz Iske Magar Saari Khudaai Maangtay Rehna

  • Kabhi Mehroom Honton Par Dua Ka Harf Rakh Dena

  • Kabhi Wehshat Mein Uski Naarsaayi Maangtay Rehna

  • Wafaaon Ke Tasalsul Se Mohabbat Rooth Jaati Hai

  • Dil Ki SakooteShaameGham Se Humnawaayi Maangtay Rehna

  • Kabhi Bachay Ke Nannay Haath Par Titli Ke Par Rakhna

  • Kabhi Phir Uske Rangon Se Rihaayi Maangtay Rehna


*********************************************


ghazal,ghazal shayari,ghazal urdu shayari,ghazal urdu,ghazal meaning,ghazal shayari sad,ghazal poetrg,ghazal shayari poetry,ghazal shayari lyrics,ghazal shayari in hindi,ghazal shayari in hindi fount,ghazal shayari romantic,ghazal shayari collection,ghazal shayari in urdu fount,ghazal shayari in english,hindi ghazal shayari facebook,ghazal shayari lyrics,ghazal shayari romantic for girlfriend.

No comments:

Post a Comment