Gham and Afsoos shayari



Arre Tu Na Ho Saka Apna
To Kia Ghum Hai.....###
Dekho Chunda,Poonum,Taray
Ye Sham K Nazare
Falak,Zamin Yeh Kuhsar.....###
Keh Rahay Hain Ghum Na Kerna
Woh Badal Gaya To Kia Hua.....###
Hum To Hain Na Hamesha Tumhare

**********************

Faqat Ek Baat Kehna Chahta Hun
Teri Ankhon Main Rehna Chahta Hun.....###
Bohat Jaag Chuka Hun Tere Hijr Main
Tere Anchal Main Sona Chahta Hun.....###
Zamane Bhar Ki Khushian Aur Ter Gham
Ye Gham Kuch Aur Sehna Chahta Hun.....###

**********************

Tuh Khush Rahe Toh Mein Muskuraunga.....###
Kahin Bhi Ho Tu, Tujhe Naa Bhulaunga
Mere Gham Ka Tuh Dard Naa Lena.....###
Ke Iss Dard Mein Bhi Mein Sukun Paunga

**********************

Khushi Ko Dhundhne Se Gam Milte Hain.....###
Yeh Gam Zindagi Main Hardam Milte Hain
Jo Dil Ke Saare Dard Baat Le.....###
Aise Log Zindagi Main Kam Milte Hain

**********************

Tuh Gham Naa Karr.......###
Teri Mehak Naa Sahi ..
Teri Aawas Toh Hai.......###
Tuh Naa Sahi
Terri Harr Baat Toh Hai.....###
Tuh Gham Naa Karr..
Teri Justaju Na Sahi
Teri Wafa Toh Hai..
Tera Haath Mere Haath Naa Sahi
Teri Dua Toh Hai.....###

**********************

Ek Shaks Pas Reh Ke Samjha Nahi Mujhe.....###
Is Baat Ka Malal Hai Shikwa Nahi Mujhe
Main Us Ko Bewafai Ka Ilzam Kaisay Dou.....###
Us Ne To Ibteda Se Hi Chaha Nahi Mujhe
Pathar Samajh Kar Paon Se Thokr Laga Dia.....###
Afsos Teri Aankh Ne Parkha Nahi Mujhe
Kya Umedein Baandh Kar Aaya Tha Samnay.....###
Us Ne To Aankh Bahr Ke Dekha Nahi Mujhe….!!!

**********************

Dono Jahan Teree Mohabbat Main Har K.....###
Woh Ja Raha Hay Koi Shab-E-Gham Guzar K.....###

**********************

Johar-E-Zabt Ke Ahsas Se Darr Lagta Tha.....###
Jang Main Tapti Hoe Pyass Se Darr Lagta Tha
Isse Liye Karbo-Bala Sham Se Aya Na Yazid.....###
Usee Zaineb Tere Abass Se Darr Lagta Tha

**********************

Yeh Sach Hay Ke Un Se Nigahen Kabhi Mila Na Sake
Hum Un Ki Yaad Ko Lekin Kabhi Bhula Na Sake.....###
Woh Badnaseeb Sahi Tujh Se Jo Kareeb Nahi
Woh Khushnaseeb Hain Jo Tum Se Door Ja Na Sake.....###

**********************

Ghamon Main Hasnay Walon Ko Rulaya Nahin Jata.....###
Lahroon Say Pani Ko Hataya Nahin Jaata
Bananay Walay Ban Jatay Hain Apnay.....###
Kisi Ko Keh Ker Apna Banaya Nahin Jata

**********************

Hota Kaise Unhe Gam Hamari Ruswai Ka.....###
Jab Fark Pada Hi Nahi Unhe Hamari Judai Ka
Khamoshi Se Saha Hamne Jab Har Gam.....###
To Ilzam Laga Diya Bewafai Ka

**********************

Jo Sab Dete He Wo Hum Nahi Denge.....###
Pyar Jab Bhi Denge Kam Nahi Denge
Yakin Na Ho To Aazma Lena Mere Dost.....###
Zindgi Me Kbhi Tumhe Gum Nahi Denge..

******************

Ghum Nahi Bholta Bhulanay Say.....###
Num Hoe Ankhayen Muskurany Say
Aaj Woh Ajnabi Say Lagty Hain
Jante Houn Jisay Zamany Say.....###
Doston Ki Parakh Nahi Kerna
Maan Totay Gaa Azmany Say
Jab Say Apno Say Choot Khaye Hai.....###
Koi Shikwah Nahi Zamanay Say
Zindagi Ki Haqeqaton Ki Kasam.....###
Dil Ki Batyen Hain Bas Fasanay Say

**********************

Logon Ne Apna Hunar Dikhaya B Bohat Hay
Ja Ja K Usay Manaya Bhi Bohat Hay.....###
Such Pocho To Dil Ko Acha Bohat Lagta Hay
Wo Shaks Js Ne Dil Dukhaya B Bohat Hay

**********************

Khuda Se Thoda Rahem Kharid Lete.....###
Aapke Zakhmonka Marham Kharid Lete
Agar Kahin Bikti Khushiyan Meri.....###
To Sari Bech Kar Apka Har Gam Kharid Lete

**********************

Ye Rat Ye Tanhai
Ye Dil K Dharakne Ki Awaz.....###
Ye Sannata
Ye Dubte Taron Ki
Khamosh Gazalkhwani.....###
Ye Waqt Ki Palkon Par
Soti Hui Wirani.....###
Jazbat-E-Muhabbat Ki
Ye Akhri Angrai
Bajti Hui Har Janib.....###
Ye Maut Ki Shahnai
Sab Tum Ko Bulate Hain.....###
Pal Bhar Ko Tum A Jao
Band Hoti Meri Ankhon Main.....###
Muhabbat Ka
Ik Khwab Saja Jao.....###

**********************

Gamo Ka Daur Jaari Hai,
Aaj Ki Raat Bhari Hai,
Dilo Ka Tutna Koi Nai Baat Nahi,
Aaj Meri To Kal Kisi Aur Ki Baari Hai......###

**********************

Zindagi Ka Matlab Aapne Bata Diya,
Har Gam Ka Matlab Aapne Samjha Diya......###
Aap To Ro-Kar Bhi Apne Gamon Ko Halka Na Kar Sake,
Humne Khushi Ki Aaadh Mein Apne Ghamon Ko Chupa Liya.

**********************

Sach Baat Maan Leejiye Chehre Pe Dhuul Hai
Ilzaam Aaiinon Pe Lagaanaa Fazuul Hai.....###
Terii Navaazishen Hon To Kaantaa Bhii Phuul Hai.....###
Gham Bhii Mujhe Qubuul, Khushii Bhii Qubuul Hai
Us Paar Ab To Ko’ii Teraa Muntazir Nahiin.....###
Kacche Ghare Pe Tair Kar Jaanaa Fizuul Hai
Jab Bhii Milaa Hai Zakhm Kaa Tohfaa Diyaa Mujhe
Dushman Zaruur Hai Vo Magar Baa-Usuul Hai.....###

**********************

Khuda Se Thoda Raham Khareed Lete.....###
Aap Ke Zakhmo Ka Marham Khareed Lete
Agar Kahi Bikti Khushiya Meri.....###
To Saari Bech Kar Aap Ka Har Ghum Khareed Lete

**********************

Naseeb Mein Tha, Maa Ki Mamta Ki Daolath
Tukhra Diya Tha Maine Us Daolath Ko.....###
Aaj Us Daulat Ki Qimat Maloom Padi
Per.....###
Bouth Der Ho Chuki
Sab Apni Maa Se Gale Miltey Hain.....###
Kushi Kushi Se
Use Dekhti Hi Reh Jathi Hoon Mai
Aankon Mein Aanso Bharey…
Dil Tadap Uttha Hai.....###
Aur Mujse Kehta Hai
Lo Tuje Yehi Saza Hai.....###

**********************

Wo Hamen Bhool Bhi Jayen To Koi Gum Nahi Hai,
Jana Unka Jaan Jane Se Km Nahi Hai,
Jane Kaise Zakham Diye Hain Usne Is Dil Ko.....###
K Jiske Liye Sb Vaid Kehte Hain Ki Koi Marham Nahi Hai.......###

**********************

Tu Dekh Ya Na Dekh Tere Dekhne Ka Gham Nahi.....###
Par Teri Ye Na Dekhne Ki Ada Dekhne Se Kam Nahi

**********************

Agarche Do Kinaron Ka Sangam Nhi Hota.....###
Magar Ek Sath Chalna B Koi Kam Nhi Hata
Wo Ankhain Ek Luta Ghar Hain Jehan Aansu Nahi Rehte.....###
Wo Dil Ek Pathar Hai Jis Dil Main Kisi Ka Gham Nahi Hota

**********************

Gham Ki Dahleez Par Rakha Diya Hun Main
Kai Khushiyon Ko Ek Saath Jiya Hun Main
Sambhal Sambhal Kar Chalna Muhaal Ho Gaya.....###
Kisi Jagah Ab Tak Na Ruk Saka Hun Main
Ye Taaza Khoon Mere Darwaze Par Kiska Hai.....###
Shayad Raat Yahin So Liya Hun Main
Aksaar Aaiene Ko Dekhkar Chauk Jata Hun.....###
Lagta Hai Is Shaks Se Kahin Mil Chuka Hun Main
Bahut Khamoshi Se Sunai Munsif Ne Saza “Kaash“
Bahut Dino Tak Use Dekhta Raha Hun Main.....###

**********************

Kariyaa-E-Jaan Men Koi Phuul Khilaane Aaye
Vo Mere Dil Pe Nayaa Zakhm Lagaane Aaye.....###
Mere Viiraan Dariichon Men Bhii Khushbuu Jaage
Vo Mere Ghar Ke Dar-O-Baam Sajaane Aaye
Us Se Ik Baar To Ruuthuun Main Usii Kii Maanind
Aur Merii Tarah Se Vo Mujh Ko Manaane Aaye.....###
Isii Kuuche Men Kai Us Ke Shanaasaa Bhii To Hain
Vo Kisii Aur Se Milane Ke Bahaane Aaye.....###
Ab Na Puuchhuungii Main Khoye Hue Khvaabon Kaa Pataa
Vo Agar Aaye To Kuchh Bhii Na Bataane Aaye.....###
Zabt Kii Shahar-Panaahon Kii Mere Maalik Khair
Gam Kaa Sailaab Agar Mujh Ko Bahaane Aaye.....###

**********************

Chahiye achchon ko jitana chahiye
chahiye achchon ko jitana chahiye
ye agar chahen to phir kya chahiye.....###
sohabat-e-rinda se vajib hai hazar
ja-e-mai apne ko khencha chahiye.....###
chahane ko tere kya samajha tha dil
bare ab is se bhi samajha chahiye
chak mat kar jeb be ayyam-e-gul.....###
kuch udhar ka bhi ishara chahiye
dosti ka parda hai beganagi.....###
munh chupana hum se choda chahiye
dushmani mein meri khoya gair ko.....###
kis qadar dushman hai dekha chahiye.....###
apani rusvai mein kya chalati hai sai
yar hi hangama aara chahiye
munhasir marane pe ho jis ke umid.....###
naumidi us ke dekha chahiye
gafil in mah talaaton ke vaste
chahane vala bhi achcha chahiye.....###
chahate hain khubaruon ko asad
aap ke surat to dekha chahiye.....###
Poet of the poem or ghazal or nazam 


***********************

Zindagi Ke Har Mor Par
Hum Ne Dhoka Kha Rakha Hai.....###
Loog Samajhte Hain
Hum Ne Duniya Ko Hansa Rakha Hai
Laiken In Ko Kia Maloom.....###
Keh Hum Ne
Apne Ghar Ke Aik Kamre Mein.....###
Aik Choota Sa Apni Hasraton Ka
Qabristan Bana Rakha Hai
Mout Bhi Karti Hai Hum Se Be Wafaye
Aur Ghumon Ne Humein.....###
Sanam Khana Bana Rakha Hai.....###
Loogo Ki Nazro Mein Hum Ne.....###
Apne Labon Par
Majmooa-E-Aashar Saja Rakha Hai.....###
Laiken In Ko Kia Maloom.....###
Hum Ne Ghum Aur Dukhoo Ka
Naam Khushi Bana Rakha Hai.....###

**********************

Ghum-E-Dil Sunane Ko Jee Chahta Hai.....###
Tumhe Azmane Ko Jee Chahta Hai.....###
Suna Hai Yeh Jab Sey,Bohat Door Ho Tum
Bohat Door Jane Ko Jee Chahta Hai.....###
Tumhain Hum Sey Koi Shikayat Nahin Hai
Yoon Hi Rooth Jane Ko Jee Chahta Hai.....###
Faqat Hai Yay Hi Nazroon Ka Dhooka
Keh Dhookay Mein Aaney Ko Jee Chahta Hai
Duaa Hai Keh Woh Hum Se,So Baar Roothein
Hamara Mananay Ko Ge Chahta Hai.....###
Nazar Woh Naa Ayein Per Un Ke Gali Mein
Yunhe Aane Jaane Ko Gee Chahta Hai
.....###
**********************

Chahat ka ek mitha mitha dard jagane sham dhale
teri yaden aa jati hain mujhako rulane sham dhale
teri zulfen in kandhon par tera chehara hathon mein.....###
main ne bhi dekhe hain kitane khvab suhane sham dhale
har din hum se wada karake yun hi agar tadapaoge
ik din yun hi ho jayenge hum bhi divane sham dhale.....###
din ke ujale mein to mana lun lakh yatan se bahala lun
lekin dil ka pagal panchi ek na mane sham dhale.

**********************

Dukh Dard Kay Maroon Say Mera Zikar Na Karna
Ghar Jaon To Yaroon Say Mera Zikar Na Karna.....###
Woh Zabt Na Kar Paen Gay Ankho Kay Samander
Tum Rah Guzaroon Say Mera Zikar Na Karna.....###
Pholon Kay Nashaiman May Raha Hoon May Sada Say
Daikho Kabhi Kharon Say Mera Zikar Na Karna
Woh Meray Hal May Bay Sakhta Na Ro Dain.....###
Is Bar Bharoon Say Mera Zikar Na Karna
Shayad Yai Andhaira Hi Mujhay Rah Dikhay
Tum Chand Sitaroon Say Mera Zikar Na Karna
Kaheen Woh Meri Kahani Ko Ghalt Rang Na Dai Dain.....###
Afsana Nigaroon Say Mera Zikar Na Karna
Gehrahi May Layjain Gay Tum Ko Bhi Baha Ker
Darya Kay Kinaroon Say Mera Zikar Na Karna.....###
Woh Shaks Melay To Usay Her Bat Batana
Tum Sirf Isharoon Say Mera Zikar Na Karna

**********************

Darya Ki Hawa Taiz Thi Kashti Thi Purani.....###
Roka To Bohat Dil Nay Magar Aik Na Maani
Main Bheegti Aankhon Say Usay Kaisay Bataun.....###
Mushkil Hay Bohat Abr Main Deewar Girani
Nikla Tha Tujhay Dhoondnay Ik Hijr Ka Taara.....###
Phir Us Kay Taaqub Main Gayi Saari Jawani.....###
Kehnay Ko Nayi Baat Koi Ho To Sunaain
So Bar Zamanay Nay Suni Hay Yeh Kahani
Yeh Pul Hay Yahan Phool Kahan Pichlay Baras Kay
Hay Din To Wohi Dost, Magar Aor Hay Pani
Kis Tarah Hota Mujhay Guman Tark-e-Wafa Ka
Aawaz Main Thehrao Tha Lehjay Main Rawani
Ab Main Usay Qatil Kahoon AMJAD, Keh Maseeha.....###
Kia Zakhm-E-Hunar Chhorh Gaya Apni Nishani

**********************

Na Umeedain Kisi Se Rakhtey To Acha Hota
Aitbar Na Kisi Pe Kartey To Acha Hota
Sabaq Daita Hai Zamana Yeh Auron Ko Giraney Ka.....###
Sahara Na Kisi Ko Samjhtey To Acha Hota
Yaqeen Apni Kamyabi Ka Kisi Ko Kab Hota Hai
Taqdeer K Muqabil Na Hotey To Acha Hota.....###
Sochtey They Aitbar Andha Ho Ga Dewana Tum Per
Na Khuwaab Jagtey Main Daikhtey To Acha Hota
Na Chatey Tum Kisi Ko Na Koi Tumheen Poojta
Na Achey Kisi Ko Lagtey To Acha Hota.....###
Darya Mohabbat Ka Kab Koi Paar Karta Hai Dost
Na Mohabbat Kisi Se Kartey To Acha Hota

**********************

Ya Rab Gham-E-Hijraan Mein, Itna Tu Kiya Hota.....###
Jo Haath Jiger Per Hai, Woh Dast-E-Dua Hota
Ik Ishq Ka Gham Afat Aur Uss Oe Yeh Dil Afat
Yan Gham Na Diya Hota, Yan Dil Na Diya Hota.....###
Nakaam Tammana,Dil Iss Soch Mein Rehta Hai
Yun Hota Tu Kya Hota, Yun Hota Tu Kya Hota?
Umeed Tu Bandh Jaati, Taskeen Tu Ho Jaati
Waada Na Wafaa Karte ,Waada Tu Kya Hota.....###
Ghairoon Se Kaha Tumne, Ghairoon Se Suna Humne
Kuch Humse Kaha Hota, Kuch Humse Suna Hota

**********************

Bataane Se Bhee Ye Gham Kyon Kam Naheen Hote
Aansuon Se Dil Ke Kone Nam Naheen Hote.....###
Thee Bahut Umeed To Apnon Se Is Dil Ko Kabhee
Par Hameshaa Saath Ye Hamdam Naheen Hote.....###
Bebasee Hansne Lagee Khaamoshi Ab Hai Goonjtee
Band Kamron Men Koyee Mausam Naheen Hote.....###
Jab Khushee Hai Naachtee Gaatee Hai Man Kee Har Kalee
Un Gharon Men Kyaa Kabhee Maatam Naheen Hote
Pyaar Sab Miltaa Jinhen Ranjish Naheen Koyee Kabhee
Kyaa Kabhee Aise Dilon Men Gham Naheen Hote.....###
Yaad To Karte Hain Unko Ham Sadaa Hee Raat Din
Khwaab Men Unke Kabhee Kyaa Ham Naheen Hote

**********************

Kisi Ke Sath Mein Aur Dil Kisi Ke Sath Raha
Ajab Mazaaq Meri Zindagi Ke Sath Raha.....###
Kamal-E-Zabt Tha Mera Woh Ya Muqadar Tha
Kinar-E-Aab Bhi Ju Tashnagi Ke Sath Raha.....###
Woh Aik Dukh Jisay Door Chor Aya Tha.....###
Tamaam Umer Meri Zindagi Ke Sath Raha
Jo Dil Mein Baat Thi Hontoon Se Kis Tarha.....###
Mein In Ki Bazm Mein Ik Bebasi Ke Sath Raha
Abb In Mein Aa Ke Darinday Bhi Ho Gaye Shamil
Abb Admi Bhi Kahan Admi Ke Sath Raha
Hansa To Ankh Se Ansoo Nikal Parhay.....###
Hamesha Ghum Koi Meri Khushi Ke Sath Raha

**********************

Apne tain to har ghadi gham hai, aalam hai, daag hai
yaad kare hamen kabhi kab ye tujhe dimag hai
ji ki khushi nahi giro sabz-o-gul ki hath kuch.....###
dil ho shagufta jis jagah wo hi chaman hai bag hai
kis ki ye chashm-e-mast ne bazm ko yun chaka diya.....###
masl-e-habab sar nagun sharam se har ayag hai.....###
jalate hi jalate subah tak guzari use tamam shab
dil hai ki shola hai koi, shama hai ya chirag hai
paiye kis jagah bata aye but-e-bewafa tujhe
umr-e-guzashta ki tarah gum hi sada surag hai.....###
sair-e-bahar-o-bag se hum ko maf kijiye
us ki khayal-e-zulf se dard kise farag hai?.....###

**********************

Hajoom-E-Gham Say Jis Dam Aadmi Ghabra Sa Jata
To Aisay Main Usay Awaz Per Qaboo Nahi Rahta.....###
Wo Itnay Zoor Say Faryad Karta Hai
K Jaisay Wo Zameen Per Or Khuda Ho Asmanoon Per
Magar Aisa Bhi Hota Hai.....###
K Us Ki Awaz K Ruknay Say Pahlay Hi.....###
KHUDA Kuch Is Qadar Nazdeeq Say
Or Is Qadar Rehmat Bhari Muskan Say Us Ko Thapakta Hai
Or Us Ki Baat Sunnta Hai.....###
K Faryadi Ko Apni Awaz Ki Shiddat
Or Sada Ki Bechaini Per Nidamat Honay Lagti Hai

**************************

Na Gham Hai Na Hai Ehsaas Khushi Ka
Na Deed Hai Na Hai Intezaar Kisi Ka......###
Main Tu Akela Chal Raha Hoon Andheron Main
Ab Tu Ye Bhi Yaad Nahi Kab Hua Tha Samna Rosheni Ka.....###

**********************

Ek Yahi Aas He Kafi Hai Mere Jeenay Mein.....###
Dil Nahi Aap Dharakte Ho Mere Seenay Mein
Tujh Se Jo Zakham Mile Dil Se Laga Leta Hoon.....###
Kitni Lazzat Hai Teri Zaat Ke Ghum Peenay Mein

**********************

Dil Ke Zakhmon Ne Cain Se Rehne Na Diya.....###
Jab Chali Sard Hawa Main Tujhe Yaad Kiya
Gham Is Baat Ka Nahi Kyon Kiya Dil Barbaad.....###
Gham To Is Baat Ka Hai Kyun Itni Der Se Kiya Barbaad

**********************

Na Hara H Ishq Na Dunia Thaki H.....###
Diya Jal Raha H Hawa Chal Rahi H
Sukun Hi Sukun H Khusi Hi Khusi H.....###
Tera Gam H Salamat Mujko Kya Kami H

**********************

Har Khushi Kam Hai, 
Tera Gum Bhulane Ke Liye.....###
Ek Tera Gum Hi Kaafi Hai, 
Mujhe Umr Bhar Rulane Ke Liye.....###

**********************

Marne Ka Tere Gam Mein Iraada Bhi Nahi Hai.....###
Hai Ishq Magar Itna Ziyaada Bhi Nahi Hai.....###

**********************

Pee Rahe The Hum Aj Akele Akele.....###
Seh Rahe The Gum Aj Akele Akele
Vaada Kiya Usne Aakri Saans Tak Saath Nibane Ka
Par Aaj Marange Hum Aj Akele Akele.....###

**********************

Zindagi Jina Hai Agar To.....###
Zindagi Kuch Aise Bitao,
Roro Ke To Sab Jite Hai, 
Tum Har Gham Mai Bhi Muskurao.....###

**********************

Gham Na Kar Zindagi Bahut Badi Hai.....###
Chahat Ki Mehfil Tere Liye Saji Hai,
Bas Ek Baar Muskura Kar Tho Dekh,
Taqdeer Khud Tujhse Milne Bahar Khadi Hai.....###

**********************

Sehmi Si Nigaho Mein Khwab Hum Jaga Denge
Sooni In Raho Pe Phool Hum Khila Denge.....###
Humare Sang Muskura Ke To Dekhiye
Hum Aap Ka Har Gum Bhula Denge.....###

**********************

Jitna Hai Gum Utna Ziyada Peeya Jaaye.....###
Aaj Zakhmon Ka Hisaab Baraabar Kya Jaaye
Aaj Irada Karke Nikle Hain Hum Ghar Se Ke,
Unke Diye Saare Gumon Ko Ab Dafnaya Jaaye.......###

**********************

Chhupi Hai Kai Hamdardi Mere Gumon Ke Saath.....###
Mil Gai Hai Kisi Ki Kahani Meri Daastaan Ke Saath

**********************

Aap Hame Rulado Hame Ghum Nahi,
Aap Hame Bhulado Hame Koi Ghum Nahi,
Jis Din Humne Aap Ko Bhula Diya,
Smaj Lena Is Duniya Mai Hum Nahi.....###

**********************

Log Toot Jate Hainek Ghar Banane Me.....###
Tum Taras Nahi Khaate Bastiyan Jalane Me

**********************

Gham Se Badker Dost Koi Dusra Hota Nahi.....###
Sub Juda Hote Hai Lekin Gham Dil Se Kabhi Juda Hota Nahi

*********************

Apne saye se bhi ashkon ko chupa kar rona.....###
jab bhi rona ho charagon ko bujha kar jina
hath bhi jate huye wo to milakar na gaya
main ne chaha jise sine se laga kar rona.....###
tere divane ka kya hal kiya hai gham ne
muskurate huye logon mein bhi ja kar rona.....###
log pad lete hain chehare pe likhi tahariren
itna dushvar hai logon se chupa kar rona.....###


**********************

Hoti Hai Lakh Ghumo Ki Dawa Neend B Magar,
Hote Hain Aise Ghum Bhi Jo Sone Nahi Dete .....###

**********************

Na Jane Kis Gam Ko Chupane Ki Tamanna Thi Usko.....###
Aaj Har Ek Baat Per Haste Hue Dekha Usko......###

**********************

No comments:

Post a Comment