Romantic Love Ghazal Shayari





  • Dil Mein Hum Ek Hi Jazbe Ko Samoyein Kaise;
  • Ab Tujhe Paa Ke Yeh Uljhan Hai Ke Khoyein Kaise;

  • Zehen Chhalni Jo Kiya Hai To Yeh Majboori Hai;
  • Jitne Kaante Hain Woh Talwon Mein Piroyein Kaise;

  • Hum Ne Maana Ki Bahut Dair Hai Hashar Aaney Tak;
  • Chaar Janib Teri Aahat Ho To Soyein Kaise;

  • Kitni Hasrat Thi Tujhe Pass Bitha Kar Rote;
  • Ab Yeh Mushkil Hai Tere Samne Royein Kaise

  • ********************

  • Sun To Sahi Jahaan Mein Hai Tera Fasana Kya;
  • Kehti Hai Tujh Se Khalq-e-Khudaa Gaibanaa Kya;

  • Zina Saba Kaa Dhundati Hai Apni Musht-e-Khaak;
  • Baam-E-Baland Yaar Ka Hai Astana Kya;

  • Aati Hai Kis Tarah Se Meri Kabz-e-Rooh Ko;
  • Dekhun To Maut Dhund Rahi Hai Bahana Kya;

  • Betab Hai Kamal Hamara Dil-e-Azeem;
  • Mehmaan Saray-e-Jism Ka Hoga Ravana Kya

  • ********************


  • Aaj Zara Fursat Paayi Thi Aaj Use Phir Yaad Kiya;
  • Band Gali Ke Aakhiri Ghar Ko Khol Ke Phir Aabad kiya;

  • Khol Ke Khidkii Chand Hansa Phir Chand Ne Dono Hathon Se;
  • Rang Udaye Phool Khilaye Chidiyon Ko Aazad Kiya;

  • Bade Bade GHam Khade Hue The Raasta Roke Raahon Mein;
  • Choti Choti Khushiyon Se Hi Hum Ne Dil Ko Shaad Kiya;

  • Baat Bahut Mamuli Si Thi Uljh Gayi Takraron Mein;
  • Ek Zara Si Zidd Ne Aakhir Dono Ko Barbaad Kiya;

  • Danaon Ki Baat Na Maani Kaam Aayi Nadaani Hi;
  • Suna Hawa Ko Padha Nadi Ko Mausam Ko Ustad Kiya

  • ********************

  • Tumhara Pyaar Mere Chaar Suu Abhi Tak Hai;
  • Koi Hisaar Mere Chaar Suu Abhi Tak Hai;

  • Bichartey Waqt Jo Tum Saunp Kar Gaye The Mujhe;
  • Woh Intezar Mere Chaar Suu Abhi Tak Hai;

  • Tu Khud Hee Jaanay Kahin Door Kho Geya Hai Magar;
  • Teri Pukaar Mere Chaar Suu Abhi Tak Hai;

  • Main Jab Bhi Nikla Mere Paon Chhaid Daalay Ga;
  • Jo Khaar Zaar Mere Chaar Suu Abhi Tak Hai;

  • Main Ab Bhi Girte Hue Paanion Ki Qaid Mein Hun;
  • Ik Aabshaar Mere Chaar Suu Abhi Tak Hai;

  • Koi Gumaan Mujhe Tum Se Door Kaise Kare;
  • Ki Aitbaar Mere Chaar Suu Abhi Tak Hai

  • ********************


  • Jab Ishq Sikhata Hai Aadaab-e-Khud-Aagahi;
  • Khulte Hain Ghulamon Par Asaraar-e-Shahanshahi;

  • Attaar Ho Rumi Ho Raazi Ho Ghazaali Ho;
  • Kuch Haath Nahin Aataa Be-Aah-Sahar-Gaahi;

  • Naumeed Na Ho In Se Ai Rah-Bar-e-Farzaana;
  • Kam-Kosh To Hain Lekin Be-Zauq Nahin Raahi;

  • Ai Tayar-e-Lahooti Us Rizq Se Maut Achhhi;
  • Jis Rizq Se Aati Ho Parvaaz Mein Kotahi;

  • Daara o Sikandar Se Woh Mard-e-Faqeer Aulaa;
  • Ho Jiski Faqeeri Mein Boo-e-Asadool-Laahi;

  • Aaeen-e-Jawan Mardaan Haq-Goyi o Be-Baaki;
  • Allaah Ke Sheron Ko Aati Nahin Roobahi

  • ********************


  • Dukh Dard Mein Hamesha Nikale Tumhaare Khat;
  • Aur Mil Gayi Khushi To Uchhaale Tumhaare Khat;

  • Sab Chudiyan Tumhari Samandar Ko Saunp Di;
  • Aur Kar Diye Hawa Ke Havale Tumhare Khat;

  • Mere Lahoo Mein Goonj Raha Hai Har Ek Lafz;
  • Maine Ragon Ke Dasht Mein Paale Tumhare Khat;

  • Yun To Hain Be-Shumar Wafaa Kee Nishaniyan;
  • Lekin Har Ek Shai Se Nirale Tumhare Khat;

  • Jaise Ho Umar Bhar Ka Asasa Garib Ka;
  • Kuch Is Tarah Se Maine Sambhale Tumhare Khat;

  • Ahl-e-Hunar Ko Mujh Pe Wasi Aitraz Hai;
  • Maine Jo Apne Sher Mein Dhaale Tumhare Khat;

  • Parwah Mujhe Nahin Hai Kisi Chand Ki Wasi ;
  • Zulmat Ke Dasht Mein Hain Ujale Tumhare Khat

  • ********************


  • Chedne Ka To Mazaa Tab Hai Kaho Aur Suno;
  • Baat Mein Tum To Khafaa Ho Gaye Lo Aur Suno;

  • Tum Kahoge Jise Kuchh Kyun Na Kahega Tum Ko;
  • Chhod Devegaa Bhalaa Dekh To Lo Aur Suno;

  • Yahi Insaaf Hai Kuchh Socho To Apne Dil Mein;
  • Tum To Sau Keh Lo Meri Ek Na Suno Aur Suno;

  • Aafareen Tum Pe Yahi Chahiye Shabash Tumhein;
  • Dekh Rota Mujhe Yun Hansne Lago Aur Suno;

  • Baat Meri Nahin Sunte Jo Akele Mil Kar;
  • Aise Hi Dhang Se Sunaun Ki Suno Aur Suno

  • ********************

  • Dono Jahaan Teri Mohabbat Mein Haar Ke;
  • Woh Jaa Raha Hai Koi Shab-e-Gam Guzaar Ke;

  • Veeraan Hai Maikada Khum o Sagar Udaas Hain;
  • Tum Kya Gaye Ki Rooth Gaye Din Bahaar Ke;

  • Ik Fursat-e-Gunaah Mili Wo Bhi Chaar Din;
  • Dekhe Hain Hum Ne Haunsle Parwardigaar Ke;

  • Duniya Ne Teri Yaad Se Baigana Kar Diya;
  • Tujh Se Bhi Dil-Fareb Hain Gam Rozgaar Ke;

  • Bhule Se Muskura To Diye The Woh Aaj Faiz ;
  • Mat Puch Valvale Dil-e-Naa-Karda-Kaar Ke

  • ********************

  • Aa Jayen Hum Nazar To Koi Dum Bahut Hai Yan;
  • Mohlat Basan-e-Barq-o-Sharar Kam Bahut Hai Yan;

  • Yak Lahza Sina Kobi Se Fursat Humein Nahin;
  • Yani Ki Dil Ke Jane Ka Matam Bahut Hai Yan;

  • Hum Rah Rawan-e-Rah-e-Fana Der Rah Chuke;
  • Waqfa Basan-e-Subh Koi Dam Bahut Hai Yan;

  • Hasil Hai Kya Siwaye Tarai Ke Dehar Mein;
  • Uth Aasman Tale Se Ke Shabnam Bahut Hai Yan;

  • Mere Hilak Karne Ka Gum Hai Bas Tumhein;
  • Tum Shad Zindagani Karo Gum Bahut Hai Yan;

  • Shayad Ke Kam Subh Tak Apna Khinchena Mir ;
  • Ahawal Aaj Sham Se Darham Bahut Hai Yan

  • ********************


  • Tumne To Keh Diya Ki Mohabbat Nahi Mili;
  • Mujhko To Ye Bhi Kehne Ki Mohlat Nahi Mili;

  • Neendo Ke Des Jaate Koi Khawab Dekhte;
  • Lekin Diya Jalane Se Fusat Nahi Mili;

  • Tujhko To Khair Shahar Ke Logo Ka Khauf Tha;
  • Aur Mujhko Apne Ghar Se Ijajat Nahi Mili;

  • Phir Ikhtilaf-e-Rai Ki Surat Nikal Padi;
  • Apni Yahan Kisi Se Bhi Aadat Nahi Mili;

  • Be-zar Yun Hue Ki Tere Ahad Mein Humein;
  • Sab Kuch Mila Sukun Kee Daulat Nahi Mili

  • ********************


  • Khawab Ki Tarah Bikhar Jaane Ko Ji Chahta Hai;
  • Aisi Tanhai Ki Mar Jane Ko Ji Chahta Hai;

  • Ghar Ki Wehshat Se Larzta Hun Magar Jaane Kyon;
  • Sham Hoti Hai To Ghar Jaane Ko Ji Chahta Hai;

  • Doob Jaun To Koi Mauj Nishan Tak Na Bataye;
  • Aisi Nadi Mein Utar Jaane Ko Ji Chahta Hai;

  • Kabhi Mil Jaye To Raaste Kee Thakan Jag Pare;
  • Aisi Manzil Se Guzar Jaane Ko Ji Chahta Hai;

  • Wahi Paiman Jo Kabhi Ji Ko Khush Aya Tha Bahut;
  • Usi Paiman Se Mukar Jaane Ko Ji Chahta Hai

  • ********************


  • Ab Na Woh Main Na Woh Tu Hai Na Woh Maazi Hai Faraz ;
  • Nasha Badhta Hai Sharaabein Jo Sharaabon Mein Milein;

  • Ye Khazaane Tujhe Mumkin Hai Kharaabon Mein Milein;
  • Kya Ajab Kal Woh Zamaane Nisaabon Mein Milein;

  • Ab Ke Hum Bichhde To Shaayad Kabhi Khwabon Mein Milein;
  • Jaise Do Shakhs Tamannaa Ke Saraabon Mein Milein;

  • Tu Khudaa Hai Na Mera Ishq Farishton Jaisa;
  • Jis Tarah Sookhe Hue Phool Kitaabon Mein Milein;

  • Dhoondte Ho Logon Mein Wafaa Ke Moti;
  • Gham-e-Duniya Bhi Gham-e-Yaar Mein Shaamil Kar Lo;

  • Aaj Hum Dar Pe Khinchege Jin Baaton Par;
  • Dono Insaan Hain To Kyun Itne Hijaabon Mein Milein

  • ********************


  • Yeh Aur Baat Teri Gali Main Na Ayen Hum;
  • Lekin Yeh Kya Ke Tera Sheher Chorr Jayen Hum;

  • Muddat Huyi Hai Kuye Bataan Ki Taraf Gaye;
  • Awaargi Se Dil Ko Kahan Tak Bachaayen Hum;

  • Be noor Ho Chuki Hai Bohat Sheher Ki Fizaa;
  • Tareek Raston Par Kahin Kho Na Jayen Hum;

  • Us Ke Baghair Aaj Bohat Jee Udaas Hai;
  • Jaalib Chalo Kahin Se Usey Dhoond Ke Layen Hum

  • ********************


  • Aah Ko Chaahiye Ik Umr Asar Hote Tak;
  • Khaak Ho Jayenge Hum Tum Ko Khabar Hote Tak;

  • Kaun Jeetaa Hai Teri Zulf Ke Sar Hote Tak;
  • Dil Ka Kyaa Rang Karun Khoon-e-Jigar Hote Tak;

  • Dekhen Kya Guzre Hai Qatre Pe Guhar Hote Tak;
  • Garmi-e-Bazm Hai Ik Raqs-e-Sharar Hote Tak;

  • Gam-e-Hasti Ka Asad Kis Se Ho Jooz Marg Ilaaj;
  • Hum Ne Maana Ki Tagaful Na Karoge Lekin;

  • Partav-e-Kur se Hai Shabnam Ko Fanaa Ki Taalim;
  • Shama Har Rang Mein Jalti Hai Sahar Hote Tak;

  • Main Bhi Hun Ek Inaayat Ki Nazar Hote Tak;
  • Yak Nazar Besh Nahin Fursat-e-Hasti Gaafil

  • **********************

  • Zakham-e-Umeed Bhar Geya Kab Ka;
  • Qais To Apne Ghar Geya Kab Ka;

  • Ab To Munh Apna Mat Dikhaao Mujhe;
  • Naa-Siho Main Sudhar Geya Kab Ka;

  • Aap Ab Puchne Ko Aaye Hain;
  • Dil Meri Jaan Mar Geya Kab Ka;

  • Aap Ik Aur Neend Le Lijiye;
  • Kaafila Kooch Kar Geya Kab Ka;

  • Mera Fehrist Se Nikaal Do Naam;
  • Main To Khud Se Mukar Geya Kab Ka

  • ********************


  • Meri Saari Zindagi Ko Be samar Iss Ne Kiya;
  • Umar Meri Thi Magar Isko Basar Iss Ne Kiya;

  • Main Bahut Kamzor Tha Iss Mulq Mein Hijrat Ke Baad;
  • Par Mujhe Iss Mulq Mein Kamzor tar Iss Ne Kiya;

  • Rehbar Mera Bana Gumraah Karne Ke Liye;
  • Mujhko Seedhe Raaste Se Darbadar Iss Ne Kiya;

  • Shehar Mein Woh Moatbir Meri Gawahi Se Hua;
  • Phir Mujhe Iss Shehar Mein Na moatbir Iss Ne Kiya;

  • Shehar Ko Barbaad Kar Ke Rakh Diya Iss Ne Munir ;
  • Shehar Per Yeh Zulm Mere Naam Par Iss Ne Kiya

  • ********************

  • Dil O Nigah Pe Teri Rahe Fasoon Is Ka;
  • Tumhara Ho Ke Bhi Mumkin Hai Mein Rahoon Us Ka;

  • Tujhe Khabar Nahin Is Baat Ki Abhi Shayad;
  • Ki Tera Ho To Geya Hoon Magar Main Hoon Us Ka;

  • Ab Is Se Qata-Taluq Mein Behtri Hai Meri;
  • Main Apna Reh Nahin Sakta Agar Rahoon Us Ka;

  • Zameen Kee Khaak To Kab Ki Udaa Chuke Hain Hum;
  • Hamari Yaad Mein Hai Ab Chiraag Neelgon Us Ka;

  • Dil-e-Tabaah Kee Dhadkan Bata Rahi Hai Raza;
  • Yahin Kahin Pe Hai Woh Sheher Pursakoon Us Ka

  • ********************

  • Kasam De Ke Apni Tujhe Rok Lega;
  • Teri Laghzishon Pe Tujhe Tok Dega;
  • Tu Murr Murr Ke Peeche Kise Dekhta Hai;
  • Tera Kaun Hai Jo Tujhe Rok Lega 


  • ********************


  • Bedili Se Hansne Ko Khush-Dili Na Samjha Jaye;
  • Gam Se Jalte Chehre Ko Roshni Na Samjha Jaye;

  • Gaha Gaha Wahshat Mein Ghar Ki Simt Jata Hun;
  • Isko Dasht-e-Hairat Se Wapsi Na Samjha Jaye;

  • Lakh Khushguman Duniya Bahimi Talluq Ko;
  • Dosti Kahein Lekin Dosti Na Samjha Jaye;

  • Hum To Bas Ye Kehte Hain Roz Jine Marne Ko;
  • Ap Chahein Kuch Samjhein Zindagi Na Samjha Jaye;

  • Khak Karne Walon Ki Kya Ajeeb Khwahish Thi;
  • Khak Hone Walon Ko Khak Hi Na Samjha Jaye

  • ********************


  • Tujhse Bicharr Kar Kya Hun Main Ab Bahar Aakar Dekh;
  • Himmat Hai To Meri Haalat Aankh Mila Kar Dekh;

  • Shaam Hai Gehri Tez Hawaa Hai Sar Pe Khari Hai Raat;
  • Rasta Gaye Musafir Ka Ab Diya Jalaa Kar Dekh;

  • Darwaze Ke Paas Aa Aa Kar Wapis Mudti Chaap;
  • Kaun Hai Iss Sunsaan Gali Mein Paas Bula Kar Dekh;

  • Shayad Koi Dekhne Wala Ho Jaye Khairaan;
  • Kamre Ki Deewaron Par Koi Naqsh Bana Kar Dekh;

  • Tu Bhi Munir Ab Bhare Jahaan Mein Mil Kar Rehna Seekh;
  • Bahar Se To Dekh Liya Ab Andar Jaa Kar Dekh

  • ********************


  • Tujh Se Gile Karun Tujhe Janaan Manaun Main;
  • Ik Bar Apne Aap Mein Aao To Aaun Main;

  • Dil Se Sitam Kee Be saro Kaari Hawaa Ko Hai;
  • Woh Gard Udaa Rahi Hai Ki Khud Ko Ganwaun Main;

  • Naadim Hun Woh Ki Jis Pe Nadaamat Bhi Ab Nahin;
  • Woh Kam Hain Ki Apni Judai Kamaaun Main;
  • Kyon kar Ho Apne Khawab Kee Aankhon Mein Wapsi;

  • Kis Taur Apne Dil Ke Zamamun Mein Jaun Main;
  • Ik Rang Si Kamaan Ho Khushbu Sa Ik Teer;
  • Marham Si Ik Wardaat Ho Aur Zakham Khaun Main;

  • Shikwa Sa Ek Dareecha Ho Nasha Sa Ek Sakoot;
  • Ho Shaam Ek Sharab Si Aur Larr khraon Main;

  • Phir Is Gali Se Apna Guzar Chahta Hai Dil;
  • Ab Is Gali Ko Kaunsi Basti Se Laaun Main

  • ********************


  • Yeh Aur Baat Teri Gali Mein Na Aayein Hum;
  • Lekin Yeh Kya Ki Tera Sheher Chorr Jayein Hum;

  • Muddat Huyi Hai Kuye Bataan Ki Taraf Gaye;
  • Awaargi Se Dil Ko Kahan Tak Bachaayein Hum;

  • Be noor Ho Chuki Hai Bahut Sheher Kee Fizaa;
  • Tareek Raaston Par Kahin Kho Na Jayein Hum;

  • Us Ke Baghair Aaj Bahut Jee Udaas Hai;
  • Jaalib Chalo Kahin Se Usse Dhoond Kar Layein Hum

  • ********************


  • Be-Karaan Tanhaayion Ka Silsila Reh Jaaye Ga;
  • Tere Mere Darmiyaan Bas Ik Khalaa Reh Jaaye Ga;

  • Aks Beh Jaayein Ge Saare Dhoop Ke Sailaab Mein;
  • Aur Koi Paanion Mein Jhaankta Reh Jaaye Ga;

  • Mujh Ko Mere Hamsafar Aisa Safar Darpaish Hai;
  • Raasta Kat Bhee Gaya To Fansla Reh Jaaye Ga;

  • Log So Jaayein Ge Khamoshi Ki Chaadar Aud Kar;
  • Chaand Soone Aanganon Mein Jaagta Reh Jaaye Ga;

  • Jo Kabhi Us Ne Parheen Theen Mujh Se Nasir Maang Kar;
  • Naam Mera Unn Kitaabon Mein Likha Reh Jaaye Ga

  • ********************


  • Aage Bare Na Qissa-e-Ishq-e-Butan Se Hum;
  • Sab Kuch Kaha Magar Na Khule Razdan Se Hum;

  • Ab Bhaagte Hain Saya-e-Ishq-e-Butan Se Hum;
  • Kuch Dil Se Hain Dare Hue Kuch Aasman Se Hum;

  • Hanste Hain Us Ke Giriya-e-Beikhtiyar Par;
  • Bhule Hain Baat Keh Kar Koi Razadan Se Hum;

  • Ab Shauq Se Bigar Kar Batein Kiya Karo;
  • Kuch Pa Gaye Hain Aap Kee Tarz-e-Bayan Se Hum;

  • Jannat Mein Tu Nahin Agar Ye Zakhm-e-Teg-e-Ishq;
  • Badlenge Tujhko Zindagi-e-Jawidan Se Hum

  • ********************


  • Dil O Nigah Pe Taari Rahe Fasoon Iska;
  • Tumhara Ho Ke Bhi Mumkin Hai Mein Rahoon Uska;

  • Tujhe Khabar Nahin Is Baat Ki Abhi Shayed;
  • Ke Tera Ho To Geya Hoon Magar Mein Hoon Uska;

  • Ab Is Se Qata-Taluq Mein Behtri Hai Meri;
  • Main Apna Reh Nahin Sakta Agar Rahoon Uska;

  • Zameen Ki Khaak To Kab Ki Urraa Chuke Hain Hum;
  • Hamari Zadd Mein Hai Ab Chiraag Neelgon Uska;

  • Dil-e-Tabaah Ki Dharkan Bata Rahi Hai Raza;
  • Yahin Kahin Pe Hai Woh Sheher Pursakoon Uska

  • ********************


  • Kal Yeh Likhti Thee Bicharna Tumhein Manzoor Nahi;
  • Ab Yeh Kehti Ho Mere Khat Mujhe Wapis Kar Do;

  • Main Safaayi Koi Doon Ga Na Wazaahat Dunga;
  • Tum Ko Wapis Main Tumhari Yeh Amaanat Dunga;

  • Phir Kabhi Tumse Na Milne Kee Zamanat Dunga;
  • Bas Tumhein Tark-e-Marasim Pe Yeh Zehmat Dunga;

  • Tum Ho Bechain To Main Bhi Koi Masroor Nahin;
  • Kal Yeh Likhti Thee Bicharna Tumhein Manzoor Nahi;

  • Ab Yeh Kehti Ho Mere Khat Mujhe Wapis Kar Do

  • ********************


  • Agar Yun Hi Ye Dil Satata Rahega;
  • To Ik Din Mera Jee Hi Jata Rahega;

  • Main Jata Hun Dil Ko Tere Pas Chore;
  • Meri Yaad Tujhko Dilata Rahega;

  • Gali Se Teri Dil Ko Le To Chala Hun;
  • Main Pahunchunga Jab Tak Yeh Aata Rahega;

  • Qafas Main Koi Tum Se Ai Ham-Safiron;
  • Khabar Kal Kee Humko Sunata Rahega;

  • Khafa Ho Ki Ai Dard Mar To Chala Tu;
  • Kahan Tak Gham Apna Chupata Rahega

  • ********************


  • Ranjish Hi Sahi Dil Mein Dukhane Ke Liye Aa
  • Aa Phir Se Mujhe Chor Jaane Ke Liye Aa;

  • Kuch To Mere Pand-e-Ray Mohabbat Ka Bharam Rakh;
  • Tu Bhi To Kabhi Mujh Ko Manane Ke Liye Aa;

  • Pehle Se Maraasam Na Sahi Phir Bhi Kabhi To Aa;
  • Rasmo Waar-e-Duniya Hi Nibhane Ke Liye Aa;

  • Kis Kis Ko Batayein Ge Judaai Ka Sabab Hum;
  • Tu Mujh Se Khafa Hai Tu Zamane Ke Liye Aa;

  • Ab Tak Dil-e-Khush Faham Tujh Se Hain Umeedein;
  • Ye Aakhiri Shamma Bhi Bujhanay Ke Liye Aa

  • ********************

  • Ajnabi Khauf Fizaon Mein Basa Ho Jaise;
  • Shehar Ka Shehar Hi Aseb Zada Ho Jaise;

  • Raat Ke Pichle Pehar Aati Hain Awazein Si;
  • Dur Shehara Mein Koi Cheekh Raha Ho Jaise;

  • Dar-o-Deewar Pe Chayi Hai Udasi Aisi;
  • Aaj Har Ghar Se Janaza Sa Utha Ho Jaise;

  • Muskurata Hun Pa-e-Khatir-e-Ahabab Magar;
  • Dukh To Chehre Kee Lakion Pe Saja Ho Jaise;

  • Ab Agar Doob Gaya Bhi To Marunga Na Kamal ;
  • Behte Pani Pe Mera Naam Likha Ho Jaise

  • ***************************

  • Duniya Ke Sitam Yaad

  • Duniya Ke Sitam Yaad Na Apni Wafaa Yaad;
  • Ab Mujh Ko Nahi Kuch Bhi Mohabbat Ke Siwa Yaad;

  • Main Shikwa Ba Lab Tha Mujhe Ye Bhi Na Raha Yaad;
  • Shayad Ki Mere Bhoolne Waale Ne Kiya Yaad;

  • Kya Jaaniye Kya Ho Geya Arbaab-e-Junoon Ko;
  • Jeene Kee Adaa Yaad Na Marne Kee Adaa Yaad;

  • Kya Lutf Ki Main Apna Pataa Aap Bataaun;
  • Kijiye Koi Bhooli Hui Khaas Apni Adaa Yaad;

  • Muddat Hui Ek Haadsa-e-Ishq Ko Lekin;
  • Ab Tak Hai Tere Dil Ke Dhadakane Kee Sadaa Yaad

  • ********************


  • Sadmaa To Hai Mujhe Bhi Ki Tujhse Judaa Hun Main;
  • Lekin Yeh Sochta Hun Ki Ab Tera Kya Hun Main;

  • Main Khudkushi Ke Jurm Ka Karta Hun Aitraaf;
  • Apne Badan Ki Kabr Mein Kab Se Garrhaa Hun Main;

  • Kis Kis Ka Naam Laaun Zubaan Par Ki Tere Saath;
  • Har Roz Ek Shaks Naya Dekhta Hun;

  • Kya Jaane Kis Adaa Se Liya Tune Mera Naam;
  • Duniya Samajh Rahi Hai Ki Sab Kuch Tera Hun Main;

  • Le Mere Tajrubon Se Sabak Aye Mere Raqeeb;
  • Do-Chaar Saal Umar Mein Tujhse Barra Hun Main;

  • Jaaga Huwa Zameer Woh Aiyena Hai Qateel ;
  • Sone Se Pehle Roz Jise Dekhta Raha Hun Main

  • ********************


  • Khuda Hum Ko Aisi Khudayi Na De;
  • Ki Apne Siwa Kuch Dikhayi Na De;

  • Khatawar Samjhey Gi Duniya Tujhe;
  • Ab Itni Zayada Safai Na De;

  • Hanso Aj Itna Ki Is Shor Me;
  • Sada Siskiyon Kee Sunayi Na De;

  • Ghulami Ko Barkat Samjhney Lagein;
  • Aseeron Ko Aisi Rihayi Na De;

  • Khuda Aise Ehsas Ka Naam Hai;
  • Rahe Sahmne Aur Dikhayi Na De;

  • Mujhe Aisi Jannat Nahi Chahiye;
  • Jahan Se Madina Dikhayi Na Dey

  • ********************


  • Kahin Aah Ban Ke Lab Per Tera Naam Aa Na Jaye;
  • Tujhe Bewafa Kahoon Main Woh Muqaam Aa Na Jaye;

  • Jise Sun Ke Toot Jaye Mera Aarzu Bhara Dil;
  • Tere Anjuman Se Mujh Ko Woh Peyaam Aa Na Jaye;

  • Woh Jo Manzilon Par Laa Kar Kisi Hamsafar Ko Lootein;
  • Unhi Rehzanon Mein Tera Kahin Naam Aa Na Jaye;

  • Isi Fikar Mein Hain Ghalat Yeh Nizaam Ke Bande;
  • Jo Tamaam Zindagi Hai Woh Nizaam Aa Na Jaye

  • ********************

  • Band Aankh Se Sapne Bunte Bunte Umar Guzar Gayi Apni;
  • Tootey Dil Ke Raizey Chunte Chunte Umar Guzar Gayi Apni;

  • Woh Hum Se Bichar Kar Kaise Jeeta Hoga;
  • Bass Yehi Sochte Sochte Umar Guzar Gayi Apni;

  • Us Ki Talaash Mein Nikle Apna Pata Bhool Gaye;
  • Phir Khud Ko Khojte Khojte Umar Guzar Gayi Apni;

  • Shamaa Ban To Gaye Roshni Ki Khatir;
  • Magar Phir Jalte Jalte Umar Guzar Gayi Apni;

  • Uss Ne Manaa Ki Deewaar Torr Kar Pukaara To Sahi;
  • Lekin Rukte Rukte Umar Guzar Gayi Apni;

  • Ab Yeh Zindagi Ussi Ki Amaanat Hai Waqas;
  • Jiss Ki Raah Takte Takte Umar Guzar Gayi Apni

  • ********************


  • Paikar Tha Wafa Ka Mohabbat Ka Khuda Tha;
  • Woh Shakhs Zamane Mein Sab Se Hi Juda Tha;

  • Chahat Ke Khazane They Har Lafz Mein Us Ke;
  • Daaman Mera Us Ne Duaaon Se Bhara Tha;

  • Mujh Ko Nahin Dekha Karri Dhoop Ne Chu Kar;
  • Baba Mera Duniya Main Mujhe Aisa Jo Mila Tha;

  • Fikrein Na Zamane Ki Kabhi Paas Bhi Aayi;
  • Har Dard Meri Hasti Se Dartaa Hi Raha Tha;

  • Jab Tak Raha Saanson Ka Basera Mere Baba;
  • Tab Tak Main Ghamon Se Bachta Hi Raha Tha;

  • Us Shaam Ki Hiddat Mere Dil Se Nahin Jati;
  • Jis Shaam Tera Saaya Mere Sar Se Utha Tha

  • ********************


  • Lutf Wo Ishq Mein Paaye Hain Ki Jee Jaanta Hai;
  • Ranj Bhi Aise Uthaaye Hain Ki Jee Jaanta Hai;

  • Jo Zamaane Ke Sitam Hain Wo Zamaana Jaane;
  • Tu Ne Dil Itne Sataaye Hain Ki Jee Jaanta Hai;

  • Muskurate Hue Woh Mazmaa-e-Agyaar Ke Saath;
  • Aaj Yun Bazm Mein Aaye Hain Ki Jee Jaanta Hai;

  • Kaaba-o-Dair Mein Pathra Gayi Dono Aankhein;
  • Aise Jalwe Nazar Aaye Hain Ki Jee Jaanta Hai;

  • Dosti Mein Teri Dar-Pardah Hamaare Dushman;
  • Is Qadar Apne Paraaye Hain Ki Jee Jaanta Hai;

  • Daagh-e-Waarafta Ko Ham Aaj Tere Kooche Se;
  • Is Tarah Kheench Ke Laaye Hain Ki Jee Jaanta Hai

  • ********************


  • Saanson Ki Hararat Se Pighal Jaanay Ka Mausam;
  • Aaya Hai Teri Aanch Mein Jal Jaanay Ka Mausam;

  • Ham Ko Nahi Maloom Tha Ishq Ka Aaghaaz;
  • Yaadon Mein Kahin Door Nikal Jaanay Ka Mausam;

  • Lagta Hai Ki Chehre Pe Tere Theher Gaya Hai;
  • Yak Lakht Kayi Rang Badal Jaanay Ka Mausam;

  • Aey Sheher Tasalli Tere Mashkoor Hain Ham;
  • Aaya Hee Nahi Dil Ke Sambhal Jaanay Ka Mausam;

  • Ye Sheher-e-Tamanna Bhi Anokha Hai Ki Is Par;
  • Barsaat Mein Bhi Rehta Hai Thal Jaanay Ka Mausam;

  • Chehre Pe Agar Hai Mere Subaah Ka Ujaala;
  • Aankhon Mein Magar Shaam Ke Dhal Jaanay Ka Mausam

  • ********************


  • Sun To Sahi Jahaan Mein Hai Tera Fasanaa Kyaa;
  • Kehti Hai Tujh Se Khalq-e-Khudaa Gaibanaa Kya;

  • Jeena Saba Dhundti Hai Apni Musht-e-Khaak;
  • Baam-e-Buland Yaar Ka Hai Astana Kya;

  • Aati Hai Kis Tarah Se Meri Kabz-e-Rooh Ko;
  • Dekhun To Maut Dhund Rahi Hai Bahana Kya;

  • Betab Hai Kamal Hamara Dil-e-Azeem;
  • Mehman Sara-e-Jism Ka Hoga Ravanaa Kya

  • ********************


  • Doosron Ko Hamari Sazaayen Na De;
  • Chandni Raat Ko Bad duyain Na De;

  • Phool Se Aashiqui Ka Hunar Seekh Le;
  • Titliyan Khud Rukein Gee Sadayen Na De;

  • Motiyon Ko Chupaa Sipiyon Ki Tarah;
  • Bewafaon Ko Apni Wafayen Na De;

  • Main Bikhar Jaaon Aansuon Ki Tarah;
  • Is Qadar Pyar Se Bad duyain Na De

  • ********************


  • Mohabbat Se Rihaa Hona Zaroori Ho Geya Hai;
  • Mera Tujh Se Judaa Hona Zaroori Ho Geya Hai;

  • Wafaa Ke Tazurbey Karte Hue To Umar Guzri;
  • Zara Sa Bewafa Hona Zaroori Ho Geya Hai;

  • Meri Awaaz Tanhaai Mein Marti Ja Rahi Hai;
  • Kisi Ka Hamnawaa Hona Zaroori Ho Geya Hai;

  • Azaab Zulmat-e-Shab Hai Ki Ab Dil Ke Labon Par;
  • Koi Harf-e-Duaa Hona Zaroori Ho Geya Hai

  • ********************


  • Mujh Se Kaafir Ko Tere Ishq Ne Yun Sharmaya;
  • Dil Tujhe Dekh Ke Dhadka Toh Khudaa Yaad Aaya;

  • Mere Dil Pe Toh Hai Ab Tak Tere Gham Ka Saaya;
  • Log Kehte Hain Naya Daur Naye Dukh Laya;

  • Mera Meyaar-e-Wafaa Hi Meri Majboori Hai;
  • Rukh Badal Kar Bhi Tujhe Apne Muqaabil Paya;

  • Charagar Aaj Sitaron Ki Kasam Kha Ke Bata;
  • Kis Ne Insaan Ko Tabasum Ke Liye Tadpaya;

  • Log Hanste Hain Toh Is Soch Mein Kho Jata Hun;
  • Mauj-e-Sailaab Ne Phir Kis Ka Gharaunda Dhaaya;

  • Uss Ke Andar Koi Fankaar Chupaa Baitha Hai;
  • Jaantey Boojhtey Jis Shakhs Ne Dhokha Khaya

  • ********************


  • Ajab Apna Haal Hota Jo Visaal-e-Yaar Hota;
  • Kabhi Jaan Sadqe Hoti Kabhi Dil Nisaar Hota;

  • Na Mazaa Hai Dushmani Mein Na Hai Lutf Dosti Mein;
  • Koi Gair Gair Hota Koi Yaar Yaar Hota;

  • Yeh Mazaa Tha Dillagi Ka Ke Barabar Aag Lagti;
  • Na Tumhein Qaraar Hota Na Hamein Qaraar Hota;

  • Tere Vaade Par Sitamgar Abhi Aur Sabr Karte;
  • Agar Apni Zindagi Ka Hamein Aitbaar Hota

  • ********************

  • Meri Saari Zindagi Ko Besamar Iss Ne Kiya;
  • Umar Meri Thi Magar Isko Basar Iss Ne Kiya;

  • Main Bahut Kamzor Tha Iss Mulq Mein Hijrat Ke Baad;
  • Par Mujhe Iss Mulq Mein Kamzor tar Iss Ne Kiya;

  • Rehbar Mera Bana Gumraah Karne Ke Liye;
  • Mujhko Seedhey Raaste Se Darbadar Iss Ne Kiya;

  • Shehar Mein Woh Moatbir Meri Gawahi Se Huwa;
  • Phir Mujhe Iss Shehar Mein Na moatbir Iss Ne Kiya;

  • Shehar Ko Barbaad Kar Ke Rakh Diya Iss Ne Munir ;
  • Shehar Per Yeh Zulm Mere Naam Per Iss Ne Kiya

  • ********************


  • Dono Jahaan Teri Mohabbat Mein Haar Ke;
  • Wo Ja Raha Hai Koi Shab-e-Gham Guzaar Ke;

  • Viraan Hai Maikada Khum-o-Sagar Udaas Hai;
  • Tum Kya Gaye Ki Rooth Gaye Din Bahaar Ke;

  • Ik Fursat-e-Gunaah Mili Wo Bhi Chaar Din;
  • Dekhe Hain Ham Ne Hausale Parvar-Digaar Ke;

  • Duniya Ne Teri Yaad Se Begaana Kar Diya;
  • Tujh Se Bhi Dil Fareb Hain Gham Rozgaar Ke;

  • Bhule Se Muskura To Diye The Wo Aaj Faiz ;
  • Mat Puch Val-Vale Dil-e-Na-Kardahkaar Ke

  • ************************

  • Sun To Sahi Jahaan Main

  • Sun To Sahii Jahaan Main Hai Teraa Fasanaa Kyaa;
  • Kehti Hai Tujh Se Khalq-e-Khudaa Gaibanaa Kya;

  • Zina Saba Kaa Dhundati Hai Apni Musht-e-Khaak;
  • Baam-e-Baland Yaar Ka Hai Astana Kya;

  • Aati Hai Kis Tarah Se Meri Kabz-e-Ruuh Ko;
  • Dekhun To Maut Dhund Rahi Hai Bahana Kya;

  • Betaab Hai Kamal Hamara Dil-e-Azeem;
  • Mahmaan Saray-e-Jism Ka Hoga Ravana Kya

  • ********************


  • Ranj Ki Jab Guftaguu Honay Lagi;
  • Aap Se Tum Tum Se Tu Honay Lagi;

  • Chahye Paighambar Dono Taraf;
  • Lutf Kya Jab Du-Ba-Du Honay Lagi;

  • Meri Ruswayi Ki Naubat Aagayi;
  • Unki Shohrat Qu-Ba-Qu Honay Lagi;

  • Be Niazi Badh Gayi Hai Is Qadar;
  • Aarzoo Ki Aarzoo Honay Lagi;

  • Ab To Mil Kar Dekhiye Kya Rang Ho;
  • Phir Hamari Justajuu Honay Lagi;

  • `Daagh` Itraaye Huey Phirtay Hain Aaj;
  • Shaayad Unki Aabruu Honay Lagi

  • ********************


  • Ajnabi Khauf Fizaon Mein Basa Ho Jaise;
  • Shahar Ka Shahar Hi Aseb Zada Ho Jaise;

  • Raat Ke Pichle Pahar Aati Hain Awazein Si;
  • Dur Shahara Mein Koi Cheekh Raha Ho Jaise;

  • Dar-O-Deewar Pe Chayi Hai Udaasi Aisi;
  • Aaj Har Ghar Se Janaza Sa Utha Ho Jaise;

  • Muskurata Hun Pa-e-Khatir-e-Ahabab Magar;
  • Dukh To Chehre Ki Lakiron Pe Saja Ho Jaise;

  • Ab Agar Dub Gaya Bhi To Marunga Na Kamal ;
  • Bahte Pani Pe Mera Naam Likha Ho Jaise

  • ********************


  • Wo Keh Ke Chale Itni Mulaqat Bahut Hai;
  • Maine Kaha Ruk Jao Abhi Raat Bahut Hai;

  • Aansoo Mere Thum Jayein To Phir Shaunq Say Jana;
  • Aisay Mein Kahan Jaogi Barsaat Bahut Hai;

  • Wo Kehne Lagi Jana Mera Bahut Zaroori Hai;
  • Nahi Chahti Dil Todun Tera Par Majboori Hai;

  • Gar Hui Ho Koi Khata To Maaf Ker Dena;
  • Maine Kaha Ho Jao Chup Itni Kahi Baat Bahut Hai;

  • Samajh Geya Hu Sab Aur Kuch Kaho Zaroori Nahi;
  • Bas Aaj Ki Raat Ruk Jao Jana Itna Bhi Zaroori Nahi Hai;

  • Phir Kabhi Na Aaonga Tumhari Zindagi Mein Laut Ke;
  • Saari Zindagi Tanhayee Ke Liye Aaj Ki Raat Bahut Hai;

  • ********************


  • Yehi Nahi Ki Toofan Meri Talaash Mein Hai;
  • Ki Mausam-e-Gham-e-Jaanan Meri Talaash Mein Hai;

  • Visaal Rut Hai Magar Dil Ko Aisa Lagta Hai;
  • Sitaarah-e-Shab-e-Hijraan Meri Talaash Mein Hai;

  • Main Faislay Kee Ghari Se Guzar Chali Hun;
  • Kisi Kee Deeda-e-Hairaan Meri Talaash Mein Hai;

  • Ye Be Yaqeen Si Aasoodgi Batati Hai;
  • Ki Ik Qirya-e-Veeran Meri Talaash Mein Hai;

  • Main Teergi Mein Mohabbat Kee Ik Kahani Hun;
  • Koi Chiraagh Sa Unwaan Meri Talaash Mein Hai;

  • Ye Kaisa Khwaab Tha Dharka Sa Lag Gaya Dil Ko;
  • Ki Ik Shaks Pareshaan Meri Talaash Mein Hai

  • ********************


  • Khulta Nahin Hai Haal Kisi Par Kahe Bagair;
  • Par Dil Kee Jaan Lete Hain Dilbar Kahe Bagair;

  • Main Kaise Kahun Tum Aao Ki Dil Kee Kashish Se Wo;
  • Ayenge Daude Aap Mere Ghar Kahe Bagair;

  • Kya Taab Kya Majal Hamari Ki Bosa Lein;
  • Lab Ko Tumhare Lab Se Milakar Kahe Bagair;

  • Bedard Tu Sune Na Sune Lek Dard-e-Dil;
  • Rehta Nahin Hai Aashiq-E-Muztar Kahe Bagair;

  • Taqdir Ke Siwa Nahin Milta Kahin Se Bhi;
  • Dilawata Ae Zafar Hai Muqaddar Kahe Bagair

  • ********************


  • Na Jane Kin Adaaon Se Lubhaa Liya Geya Mujhe;
  • Qateel Mere Samney Churaa Liya Geya Mujhe;

  • Kabhi Jo Un Ke Jashn Mein Seyaahiyan Bikhar Gayin;
  • To Roshni Ke Vaastey Jalaa Liya Geya Mujhe;

  • Barah-e-Raast Raabta Na Mujhse Tha Qabool Unhe;
  • Likhaa Ke Khat Raqeeb Se Bulaa Liya Geya Mujhe;

  • Jab Un Ke Deed Ke Liye Qataar Mein Kharra Tha Main;
  • Qataar Se Na Jaane Kyun Hattaa Liye Geya Mujhe;

  • Main Rondney Ki Cheez Tha Kisi Ke Paon Se Magar;
  • Kabhi Kabhi To Zulf Mein Sajaa Liya Geya Mujhe;

  • Sawaal Tha Ki Wafaa Hai Kya Jawab Tha Ki Zindagi;
  • Qateel Pyar Se Galey Laga Liya Geya Mujhe

  • ********************


  • Taskeen Na Ho Jis Se Wo Raaz Badal Dalo;
  • Jo Raaz Na Rakh Paye Hamraaz Badal Dalo;

  • Tum Ne Bhi Suni HoGi Bari Aam Kahawat Hai;
  • Anjam Ka Jo Ho Khatra Aghaz Badal Dalo;

  • Pur-Soz Dilon Ko Jo Muskan Na De Paye;
  • Sur Hi Na Mile Jis Mein Wo Saaz Badal Dalo;

  • Dushman Ke Iradon Ko Hai Zahir Agar Karna;
  • Tum Khel Wohi Khelo Andaz Badal Dalo;

  • Ay Dost Karo Himmat Kuch Door Savera Hai;
  • Agar Chahte Ho Manzil To Parwaaz Badal Dalo

  • ********************


  • Kab Tak Dil Ki Khair Manaae Kab Tak Raah Dikhaaoge;
  • Kab Tak Chain Ki Mohalat Doge Kab Tak Yaad Na Aaoge;

  • Bitaa Did Umeed Kaa Mausam Khaak Udati Hai Aankhon Mein;
  • Kab Bhejoge Dard Kaa Baadal Kab Barkhaa Barasaaoge;

  • Ahad-e-Vafaa Aur Tark-e-Mohabbat Jo Chaaho So Aap Karo;
  • Apane Bas Ki Baat Hi Kyaa Hai Hamase Kyaa Manavaaoge;

  • Kisne Vasl Kaa Sooraj Dekhaa Kis Par Hijr Ki Raat Dhali;
  • Gesuon Vaale Kaun The Kya The Unko Kya Jatalaaoge;

  • Faiz Dilon Ke Bhaag Mein Hai Ghar Basanaa Bhi Lut Jaanaa Bhi;
  • Tum Us Husn Ke Lutf-o-Karam Par Kitane Din Itaraaoge

  • ********************

  • Yeh Aur Baat Teri Gali Mein Na Ayen Hum;
  • Lekin Yeh Kya Ki Tera Sheher Chod Jayen Hum;

  • Muddat Huyi Hai Kuye Bataan Ki Taraf Gaye;
  • Awaargi Se Dil Ko Kahan Tak Bachaayen Hum;

  • Be noor Ho Chuki Hai Bahut Sheher Ki Fizaa;
  • Tareek Raston Par Kahin Kho Na Jayen Hum;

  • Us Ke Baghair Aaj Bahut Jee Udaas Hai;
  • Jaalib Chalo Kahin Se Usey Dhoond Ke Layen Hum

  • ********************

  • Jo Bhi Deewar Hai Raste Mein Giraa Ke Ro Lein;
  • Aao Ik Doojay Ko Seene Se Laga Ke Ro Lein;

  • Saamne Tu Hai To Hum Dil Mein Bhi Ro Sakte Hain;
  • Yu n Karein Hum Tujhe Baaton Mein Laga Kar Ro Lein;

  • Tere Aaney Se Yeh Naraaz Raha Karte Hain;
  • Jee Mein Hai Aaj Har Ik Gham Ko Manaa Kar Ro Lein

  • ********************


  • Mere Qaatil Ko Pukaro Kay Main Zinda Hoon Abhi;
  • Phir Say Maqtal Ko Sanwaro Kay Main Zinda Hoon Abhi;

  • Yeh Shab-E-Hijar To Sathi Hai Meri Barson Say;
  • Jao So Jao Sitaro Kay Main Zinda Hoon Abhi;

  • Yeh Pareshaan Say Gaisu Daikhay Nahi Jatay;
  • Apni Zulfun Ko Sanwaro Kay Main Zinda Hoon Abhi;

  • Laakh Moujon Main Ghira Hun Abi Dooba To Nahi;
  • Mujh Ko Sahil Say Pukaro Kay Main Zinda Hoon Abhi;

  • Qabr Say Aaj Bhi `Mohsin` Ki Aati Hai Sadaa;
  • Tum Kahan Ho Mere Yaroo Kay Main Zinda Hoon Abhi

  • ********************


  • Dil Jal Raha Tha Gham Se Magar Nagmagar Raha;
  • Jab Tak Raha Main Saath Mere Yeh Hunar Raha;

  • Subah-E-Safar Ki Raat Thi Taare The Aur Hawa;
  • Saaye Sa Ek Der Talak Baam Par Raha;

  • Meri Sada Hawa Mein Bohat Door Tak Gayi;
  • Par Main Bula Raha Tha Jise Bekhabar Raha;

  • Guzari Hai Kya Maze Se Khayaalon Mein Zindagi;
  • Doori Ka Yeh Tilism Bada Kaargar Raha;

  • Khauf Aasmaan Ke Saath Tha Sar Par Jhuka Hua;
  • Koi Hai Bhi Ya Nahin Hai Yahi Dil Mein Dar Raha;

  • Is Aakhiri Nazar Mein Ajab Dard Tha Munir ;
  • Jaanay Ka Uske Ranj Mujhe Umr Bhar Raha

  • ********************


  • Meri Aankhon Ko Soojhta Hee Nahi;
  • Ya Muqaddar Mein Raasta Hee Nahi;

  • Wo Bharay Sheher Mein Kisi Se Bhi;
  • Mere Baare Mein Poochta Hee Nahi;

  • Phir Wohi Shaam Hai Wohi Ham Hain;
  • Haan Magar Dil Mein Haunsla Hee Nahi;

  • Ham Chale Us Ki Bazm Se Uth Kar;
  • Aur Wo Hai Ki Rokta Hee Nahi;

  • Dil Jo Ek Dost Tha Magar Wo Bhi;
  • Chup Ke Pathar Hai Bolta Hee Nahi;

  • Main To Us Ki Talaash Mein Guum Hun;
  • Wo Kabhi Mujh Ko Dhoondta Hee Nahi

  • ********************


  • Phool Sa Kuch Qalaam Or Sahi;
  • Ik Ghazal Us Kay Naam Or Sahi;

  • Us Ki Zulfien Bahut Ghaneri Hain;
  • Ek Shab Ka Qayam Or Sahi;

  • Zindagi Kay Udaas Qissey Hain;
  • Ek Ladki Ka Naam Or Sahi;

  • Kursiyon Ko Sunaiye Ghazlien;
  • Qatal Ki Ek Sham Or Sahi;

  • Kapkapati Hai Rat Seeney Me;
  • Zehar Ka Ek Jaam Or Sahi

  • ***********************

  • Hans Ke Farmaate Hai Woh

  • Hans Ke Farmaate Hai Woh Dekh Ke Haalat Meri;
  • Kyon Tum Aasaan Samajhte The Mohabbat Meri;

  • Baad Marne Ke Bhi Chhori Na Rafaaqat Meri;
  • Meri Turbat Se Lagi Baithi Hai Hasrat Meri;

  • Main Ne Aaghosh-E-Tasawur Mein Bhi Kheincha Tau Kaha;
  • Pis Gai Pis Gai Be Dard Nazaakat Meri;

  • Yaar Pahlu Mein Hai Tanhaai Hai Kahdo Nikle;
  • Aaj Kyon Dil Mein Chhipi Baithi Hai Hasrat Meri;

  • Aaeena Subah-E-Shab-E-Wasl Jo Dekha Tau Kaha;
  • Dekh Zaalim Yehi Thi Shaam Ko Surat Meri;

  • Husan Aur Ishq Hum-Aaghosh Nazar Aa Jaate;
  • Teri Taswir Mein Khinch Jaati Jo Hairat Meri;

  • Kis Dhitaai Se Who Dil Chheen Ke Kahte Hai Amir;
  • Who Mera Ghar Har Rahe Jis Mein Mohabbat Meri 

  • ********************

  • Tu Bhi Nahi Mai Bhi Nahi

  • Galatiyon Se Juda Tu Bhi Nahi Mai Bhi Nahi;
  • Dono Insaan Hain Khuda Tu Bhi Nahi Mai Bhi Nahi;

  • Tu Mujhe Or Mai Tujhe Ilzaam Dete Hain Magar;
  • Apne Andar Jhankta Tu Bhi Nahi � Mai Bhi Nahi;

  • Galat Fahmiyon Ne Kar Di Dono Mai Paida Dooriyan;
  • Warna Fitrat Ka Bura Tu Bhi Nahi � Mai Bhi Nahi


  • ********************


  • Badla Tere Sitam Ka Koi Tujh Se Kya Kare;
  • Apna Hi Tu Farefta Hove Khuda Kare;
  • Qaatil Hamari Naash Ko Tash-Hir Hai Zarur;
  • Aainda Ta Koi Na Kisi Se Wafa Kare;
  • Fikr-E-Maash Ishq-E-Butaan Yaad-E-Raftgaan;
  • Do Din Ki Zindagi Mein Ab Koi Kya Kya Kiya Kare;
  • Aalam Ke Beech Phir Na Rahe Rasm-E-Aashqi;
  • Gar Neem Lab Koi Tere Shikwe Se Waa Kare;
  • Gar Ho Sharaab-O-Khilwat-O-Mahboob-E-Khub Roo;
  • Zaahid Qasam Hai Tujh Ko Jo Tu Ho Tau Kya Kare;
  • Khaakastr-O-Patang-O-Mashahd Meri Ki Khaak;
  • Sham-O-Shafaq Ajab Ho Jo Mil Kar Ura Kare;
  • Ai Waae Bar Aseer Ke Par Tor Kar Jise;
  • Sayyaad Fasl-E-Gul Mein Chaman Se Riha Kare 

  • ********************

  • Aata Hai Yaad Mujhe Guzra Hua Zamana;
  • Woh Bagh Ki Bahaaren Who Sab Ka Chahchahana;

  • Aazaadian Kahan Ab Who Apne Ghaunsle Ki;
  • Apni Khushi Se Aana Apni Khushi Se Jana;

  • Lagti Hai Chot Dil Par Aata Hai Yaad Jisdin;
  • Shabnam Ke Aansoon Par Kalion Ka Muskarana;

  • Woh Piari Piari Soorat Who Kaamni Si Moorat;
  • Aabaad Jis Ke Dam Se Tha Mera Aashiana;

  • Aati Nahin Sadaaen Uski Mere Qafas Mein;
  • Hoti Meri Rihaai Ai Kash Mere Bas Mein;

  • Kya Badnaseeb Main Hoon Ghar Ko Taras Raha Hoon;
  • Saathi Tau Hain Watan Mein Main Qaid Mein Padah Hoon;

  • Aai Bahaar Kalian Phoolon Ki Hans Rahi Hain;
  • Main Is Andhere Ghar Mein Qismat Ko Ro Raha Hoon

  • ********************


  • Lab Pe Aati Hai Dua Ban Ke Tamanna Meri;
  • Zindagi Shama Ki Soorat Ho Khudaya Meri;

  • Door Duniya Ka Mere Dam Se Andhera Ho Jaaey;
  • Har Jagah Mere Chamakne Se Ujala Ho Jaaey;

  • Ho Mere Dam Se Yunhi Mere Watan Ki Zeenat;
  • Jis Tarah Phool Se Hoti Hai Chaman Ki Zeenat;

  • Zindagi Ho Meri Parwane Ki Soorat Yaarab;
  • Ilm Ki Shama Se Ho Mujhko Mohabbat Yaarab;

  • Ho Mera Kaam Ghareebon Ki Himayat Karna;
  • Dardmandon Se Zaeefon Se Mohabbat Karna;

  • Mere Allah Burai Se Bachana Mujhko;
  • Nek Jo Rah Ho Us Rah Pe Chalana Mujhko

  • ********************

  • Rone Se Aur Ishq Mein Bebaak Ho Gaye;
  • Dhoey Gaye Hum Aise Ke Bas Paak Ho Gaye;

  • Sarf-E-Bahaa-E-Main Hue Aalaat-E-Maikashi;
  • The Yeh Hi Do Hisaab So Yoon Paak Ho Gaye;

  • Ruswaa-E-Dahar Go Hue Aawaargi Se Tum;
  • Baare Tabeeaton Ke Tau Chalaak Ho Gaye;

  • Kahta Hai Kaun Naala-E-Bulbul Ko Be Asar;
  • Parde Mein Gul Le Laakh Jigar Chaak Ho Gaye;

  • Poochhe Hai Kya Wajood-O-Adam Ahl-E-Shauq Ka;
  • Aap Apni Aag Ke Khas-O-Khashaak Ho Gaye;

  • Karne Gaye The Us Se Taghaaful Ka Hum Gila;
  • Ki Ek Hi Nigah Ke Bas Khaak Ho Gaye;

  • Is Rang Se Uthai Kal Us Ne Asad Ki Naash;
  • Dushman Bhi Jisko Dekh Ke Ghumnaak Ho Gaye 

  • ********************

  • Aaj Phir Ji Bhar Ke Pi Aaya Hoon Main;
  • Dekhte Hi Teri Aankhen Shola Saamaan Ho Gaien;
  • Shukar Kar Ai Jaan Ke Main;
  • Hoon Dar-E-Afrang Ka Ik Adna Ghulaam;
  • Sadar-E-Aazam Yaani Daryooza Gar-E-Aazam Nahin;
  • Warna Ik Jaam-E-Sharab-E-Arqhawaan;
  • Kya Bujha Sakta Mere Seena-E-Sozaan Ki Aag;

  • Ghum Se Mar Jaati Na Tu;
  • Aaj Pi Jo Main;
  • Jaam-E-Rangeen Ke Bajaae;
  • Bekason Aur Naatwaan Ka Lahu;

  • Shukar Kar Ai Jaan ke Main;
  • Hoon Dar-E Afrang Ka Ik Adna Ghulaam;
  • Aur Behtar Aish Ke Qaabil Nahin 

  • ********************


  • Yeh Kya Gumaan Hai Bad Gumaan;
  • Samajh Na Mujhko Natawaan;
  • Khyal-E-Zuhd Abhi Kahan;
  • Abhi Tau Main Jawan Hun;

  • Ibadaton Ka Zikar Hai;
  • Nijat Ki Bhi Fikr Hai;
  • Janoonhai Sawaab Ka;
  • Khayal Hai Azaab Ka;

  • Magar Suno Tau Sheikh Ji;
  • Ajib Shai Hain Aap Bhi;
  • Bhala Shabab-O-Aashiqi;
  • Alag Hue Bhi Hain Kabhi;

  • Haseen Jalwa-Rez Hon;
  • Adaein Fitna-Khez Hon;
  • Hawain Itar-Bez Hon;
  • Tau Shauqkyon Na Tez Hon;

  • ********************


  • Koi Din Gar Zindgaani Aur Hai;
  • Apne Ji Mein Hum Ne Thaani Aur Hai;

  • Aatish-E-Dozakh Mein Yeh Garmi Kahaan;
  • Soz-E-Ghumhaae nihaani Aur Hai;

  • Baarha Dekhi Hain Unki Ranjishen;
  • Par Kuchh Ab Ke Sargaraani Aur Hai;

  • De Ke Khat Munh Dekhta Hai Naama Bar;
  • Kkujchh Tau Paighaam -E-Zabaani Aur Hai;

  • Qaata-E-Aamaar Hain Aksar Najoom;
  • Woh Balaa -E-Aasmaani Aur Hai;

  • Ho Chukin Ghalib Balaaen Sab Tamaam;
  • Ek Marg-E-Naagahaani Aur Hai

  • ********************

  • Kaha Majnun Se Yah Laila Ki Maa Ne;
  • Ki Beta Tu Agar Kar Le M A Pass;

  • Tau Fauran Beaah Doon Laila Ko Tujhse;
  • Bina Diqqat Main Ban Jaaoon Teri Saas;

  • Kaha Majnun Ne Yah Achchhi Sunaai;
  • Kuja Aashiq Kuja College Ki Bakwaas;

  • Kuja Yah Fitrati Josh-E-Tabiyat;
  • Kuja Thaunsi Hui Cheezon Ka Ahsaas;

  • Bari Bhi Aapko Kya Ho Gaya Hai;
  • Hiran Mein Laddi Jaati Hai Kahin Ghass;

  • Yah Abhi Hi Qadardani Aap Ne Ki;
  • Mujhe Samjha Hai Koi Harcharan Das;

  • Dil Apna Khoonkarne Ko Hoon Maujood;
  • Nahin Manzoor Maghz-E-Sar Ka Aamaas;

  • Yahi Teri Hai Shart-E-Wasl-E-Laila;
  • Tau Isteefa Mera Ba Hasrat O Yaas

  • ********************


  • Giri Is Tabassum Ki Bijali Ajal Par;
  • Andhere Ka Ho Noor Mein Kya Guzara;

  • Justjoo Jis Gul Ki Tarpati Thi Ai Bulbul Mujhe;
  • Khoobi-e-Qismat Se Aakhir Mil Gaya Woh Gul Mujhe;

  • Parwana Tujhse Karta Hai Ai Shama Pyaar Kyon;
  • Ye Jaane Beqaraar Hai Tujh Par Nisar Kyon;

  • Qismat Buri Sahi Par Tabiyat Buri Nahin;
  • Hai Shukr Ki Jagah Ki Shikayat Nahin Mujhe;

  • Zulm Hai Gar Na Do Sakun Ki Daad;
  • Qahar Hai Gar Karona Mujhko Pyaar;

  • Hoga Koi Aisa Bhi Ki Ghalib Ko Na Jaane;
  • Shayar Toh Wah Achchha Hai Par Badnaam Bahut Hai

  • ********************

  • Aayi Hai Kuch Na Puch Qayamat Kahan Kahan;
  • Uff Le Gayi Hum Ko Mohabbat Kahan Kahan;

  • Betabi-o-Sakoon Kee Hui Manzilein Tamaam;
  • Behlaayein Tujh Se Choot Ke Tabiyat Kahan Kahan;

  • Raah-e-Talaab Mein Chor Diya Dil Ka Sath Bhi;
  • Phirte Liye Hue Yeh Museebat Kahan Kahan;

  • Begaangi Pe Uss Kee Zamaane Se Aitraaz;
  • Dar Parda Uss Kee Shikayat Kahan Kahan;

  • Hosh-o-Junoon Bhi Bas Ab To Ek Baat Hain Firaq ;
  • Hoti Hai Uss Shararat Kee Nazar Kahan Kahan

  • ********************

  • Hum Hain Mataa-e-Koocha-o-Baazaar Kee Tarah;
  • Uthti Hai Har Nigaah Kharidaar Kee Tarah;

  • Iss Ku-e-Tishnagi Mein Bahut Hai Ki Ek Jaam;
  • Haath Aa Gaya Hai Daulat-e-Bedaar Kee Tarah;

  • Wo To Hain Kahin Aur Magar Dil Ke Aas Paas;
  • Firti Hai Koi Shay Nigaah-e-Yaar Kee Tarah;

  • Seedhi Hai Raah-e-Shauq Pa Yun Hi Kabhi Kabhi;
  • Kham Ho Gayi Hai Gesu-e-Diladar Kee Tarah;

  • Ab Ja Ke Kuch Khula Hunar-e-Naakhoon-e-Junoon;
  • Zakhm-e-Jigar Huye Lab-o-Rukhsar Kee Tarah;

  • Majrooh Likh Rahe Hain Wo Ahal-e-Wafa Ka Naam;
  • Hum Bhi Khade Hue Hain Gunahagaar Kee Tarah

  • ********************


  • Aafat Kee Shokhiyan Hain Tumhari Nigah Mein;
  • Mehshar Ke Fitane Khelte Hain Jalwa-Gaah Mein;

  • Woh Dushmani Se Dekhte Hain Dekhte To Hain;
  • Main Shaad Hoon Ke Hoon To Kisi Kee Nigah Mein;

  • Aati Baat Baat Mujhe Yaad Baar Baar;
  • Kehta Hoon Daud Daud Ke Qaasid Se Raah Mein;

  • Iss Tauba Par Hai Naaz Mujhe Zaahid Iss Qadar;
  • Jo Toot Kar Shareek Hoon Haal-E-Tabaah Mein;

  • Mushtaaq Iss Ada Ke Bahut Dard-Mand The;
  • Ai Daag Tum To Baith Gaye Ek Aah Mein

  • ********************


  • Haath Chhute Bhi Toh Rishte Nahi Chhoda Karte;
  • Waqt Ki Shaakh Se Lamhe Nahi Toda Karte;

  • Jiski Aawaaz Mein Silwat Ho Nigahon Mein Shikan;
  • Aisi Tasveer Ke Tukade Nahi Joda Karte;

  • Shahad Jeene Ka Mila Karta Hai Thoda Thoda;
  • Jaane Waalon Ke Liye Dil Nahi Thoda Karte;

  • Lag Ke Sahil Se Jo Behta Hai Use Behane Do;
  • Aise Dariya Ka Kabhi Rukh Nahi Moda Karte;

  • Jaagne Par Bhi Nahin Aankh Se Girti Kirchein;
  • Iss Tarah Khawabon Se Aankhein Nahin Phodaa Karte;

  • Ja Ke Kohsar Se Sar Maaro Ki Aavwaz To Ho;
  • Khasta Deewaron Se Maatha Nahin Phodaa Karte

  • *******************

  • Dekh Lete Ho Mohabbat Se

  • Dekh Lete Ho Mohabbat Se Yahi Kaafi Hai;
  • Dil Dhadakta Hai Sahulat Se Yahi Kaafi Hai;

  • Haal Duniya Ke Sataye Hue Kuch Logon Ka;
  • Puch Lete Ho Shararat Se Yahi Kaafi Hai;

  • Jo Bhi Raaste Mein Guzarta Hai Mere Pehlu Se;
  • Dekhta Hai Teri Nisbat Se Yahi Kaafi Hai;

  • Muddatton Se Nahin Dekha Tera Jalwa Lekin;
  • Yaad Aa Jate Ho Shidat Se Yahi Kaafi Hai;

  • Saari Duniya Se Ulajhte Hain Lekin;
  • Tera Kahaa Maan Jate Hain Sharafat Se Yahi Kaafi Hai;

  • Kya Hua Hum Jo Muyassar Jo Zar-O-Maal Nahin;
  • Katt Rahi Hai Bari Izzat Se Yahi Kaafi Hai;

  • Aaj Ke Ehad Taghaful Mein Kisi Dar Pe Munir ;
  • Koi Aa jaye Zarurat Se Yahi Kaafi Hai

  • ********************


No comments:

Post a Comment